తెలుగు, తమిళ, హిందీ భాషల్లో రూపొందుతున్న సినిమా 'బాహుబలి'. ఇది తెలుగువారికి హిందీ వారికి పెద్ద ఇబ్బంది కల్గించే పేరుకాదు. బలిష్టమైన భుజాలున్నవాడు. వీరోచితుడు, ధీరోదాత్తుడు. రాజవంశీయుల పేరు కింద అది వస్తుంది. చరిత్రలో అదొక స్థానం. అయితే తమిళంలో టైటిల్స్‌ను ఎక్కువగా వారి భాషల్లోనే పెడుతుంటారు.
బాహుబలి టైటిల్‌ను అక్కడ కూడా మార్చేస్తున్నారు. మూడు బాషల్లో ఒకే టైటిల్‌ పెడితే ఆ బిజినెస్‌ వేరేగా వుంటుంది, ప్రజలకు రీచ్‌ అవుతుందని తెలుగు నిర్మాతలు, దర్శకుడు రాజమౌళి అభిప్రాయం వ్యక్తం చేసినట్లు తెలిసింది. ఇందుకు సంబంధించిన తమిళ ఛాంబర్‌లో టైటిల్‌ విషయంలో మాట్లాడుతున్నట్లు తెలుస్తోంది.
బాహుబలి రెండు భాగాలుగా వస్తున్న సంగతి తెలిసిందే. మొదటి భాగంలో కొంత భాగం పాటలను ఫిలింసిటీలో అనుష్క, ప్రభాస్‌పై చిత్రిస్తున్నారు. మొదటిభాగం మే నెలలో వస్తున్నట్లు వార్తలు విన్పిస్తున్నాయి. డిసెంబర్ నెలలో రెండో పార్ట్‌ రానుంది. మరి ఈ చిత్రం రెండేళ్ళకు పైగా నడుస్తున్న చర్చకు ఎలాంటి ఫుల్‌స్టాప్‌ పెడుతుందో చూడాల్సిందే.