దక్షిణాది చిత్ర సీమలో మలయాళీ బ్యూటీలదే హవా. అయినప్పటికీ టాలీవుడ్, కోలీవుడ్ హీరోలు మాత్రం తమ చిత్రాలలో బాలీవుడ్ బ్యూటీలను రెకమెండ్ చేస్తుంటారు. తాజాగా తమిళ హీరో ఇలయ దళపతి విజయ్ తన చిత్రంలో శ్రద్ధా కపూర్‌ను బుక్ చేయమని అడుగుతున్నాడట. అట్లీ కుమార్ దర్శకత్వంలో ఈ హీరో తన 59వ చిత్రాన్ని త్వరలో చేయనున్నాడు.
ఈ చిత్రంలో హీరోయిన్‌ పాత్రకు ఇప్పటికే కొంతమంది దక్షిణాది హీరోయిన్లను పరిశీలించినా, అది కుదరలేదట. దీంతో రేటు ఎక్కువైనా పర్వాలేదు బాలీవుడ్ భామ శ్రద్ధాను తీసుకోమని చిత్ర నిర్మాతలపై విజయ్ ఒత్తిడి చేసినట్టు సమాచారం. బాలీవుడ్‌లో 'ఆషికి 2', 'హైదర్', 'ఏక్ విలన్' వంటి సినిమాల ద్వారా ఫేమస్ అయిన శ్రద్ధా కపూర్‌తో చర్చలు జరుపుతున్నారని సమాచారం. అయితే ఆ బ్యూటీ విజయ్ సరసకు ఓకే చెప్పినట్టు కోలీవుడ్ టాక్.