అంజలి ప్రధాన పాత్రధారిగా వచ్చిన చిత్రం 'గీతాంజలి'. ఈ చిత్రం నిర్మాణం కోసం మొత్తం 4 కోట్ల రూపాయలను ఖర్చు చేయగా, ఈ చిత్రం విడుదలైనప్పటి నుంచి ఇప్పటి వరకు వసూలైన మొత్తం రూ.13 కోట్ల అని ఆ చిత్ర దర్శకుడు రాజ్‌కిరణ్ తెలిపారు.
ఇదే అంశంపై ఆయన మాట్లాడుతూ హారర్ కామెడీలను చక్కగా తీస్తే ప్రేక్షకులు ఆదరిస్తారనడానికి ఈ చిత్రమే నిదర్శనమన్నారు. ఈ చిత్ర నిర్మాణానికి రూ.4 కోట్లు ఖర్చయిందనీ, రూ.13 కోట్లు వచ్చాయనీ ఆయన చెప్పాడు.
అలాగే, 'గీతాంజలి' చిత్రానికి సీక్వెల్ కూడా తప్పకుండా తీస్తామని రాజ్ చెప్పాడు. మరో రెండు సినిమాలు చేసిన తర్వాత 'గీతాంజలి'కి సీక్వెల్ చేస్తానని రాజ్‌కిరణ్ తెలిపారు. కాగా, ఈ చిత్ర కథను శ్మశానంలో కూర్చొని ఉండగా వచ్చిన ఆలోచనతో రాసినట్టు ఈ దర్శకుడు చెప్పిన విషయం తెల్సిందే.