సూర్య హీరోగా నటిస్తున్న ''మాస్'' సినిమా నుంచి ఎమీ జాక్సన్ తప్పుకుంది. మాస్ నుంచి ఎమీ జాక్సన్ డ్రాప్ అయిందంటూ ఇటీవల వార్తలు రావడం ... వెంటనే యూనిట్ వాళ్ళు దానిని ఖండించినప్పటికీ.. ఈ వార్తలను నిజం చేస్తూ ఆ ప్రాజెక్టుకి ఎమీ బై చెప్పేసింది.
దీంతో 'అత్తారింటికి దారేది' ఫేం ప్రణీత పంట పండింది. ఆ కథానాయిక పాత్రకు వెంటనే ఈ ముద్దుగుమ్మను ఫిక్స్ చేశారు. త్వరలో బల్గేరియాలో జరిగే షూటింగులో ప్రణీత జాయిన్ అవుతుందని సమాచారం.
తమిళంలో మంచి ఆఫర్ల కోసం చూస్తున్న ఈ కన్నడ కస్తూరికి ఇది మంచి ఛాన్సే. 'బిరియానీ' ఫేం వెంకట్ ప్రభు దర్శకత్వంలో హారర్ ఫ్యాంటసీగా ఇది రూపొందుతోంది. ఇందులో మరో కథానాయికగా నయనతార నటిస్తోంది.