Webdunia - Bharat's app for daily news and videos

Install App

రక్తపింజరను తాకి కూడా ప్రాణం దక్కించుకుంది. ఆ పాప ఎంత అదృష్టవంతురాలో!

ఆ పాము బుస వింటేనే జనాలకు పైప్రాణం పైనే పోతుంది. ఇక పొరపాటున దాని బారిన పడి కాటుకు గురయ్యామంటే ప్రపంచంలో ఏ ఆసుపత్రికూడా వారిని కాపాడలేదు. నిమిషాల్లో ప్రాణంతీసే ప్రమాదకరమైన విషం దాని సొత్తు. దారిన పోతుంటే కనిపించి దాన్ని కొట్టాలనుకునే లోపే మనిషికి పైక

Webdunia
బుధవారం, 2 ఆగస్టు 2017 (04:04 IST)
ఆ పాము బుస వింటేనే జనాలకు పైప్రాణం పైనే పోతుంది. ఇక పొరపాటున దాని బారిన పడి కాటుకు గురయ్యామంటే ప్రపంచంలో ఏ ఆసుపత్రికూడా వారిని కాపాడలేదు. నిమిషాల్లో ప్రాణంతీసే ప్రమాదకరమైన విషం దాని సొత్తు. దారిన పోతుంటే కనిపించి దాన్ని కొట్టాలనుకునే లోపే మనిషికి పైకి ఎగిరే దాన్ని లంఘనం చూసి మరోసారి దాని జోలికి పోరు. చివరకు నాగుబాము కాటుకు కూడా సకాలంలో ఆసుపత్రికి చేరిస్తే ప్రాణం దక్కించుకోవచ్చేమో కానీ ఈ పాము కాటునుంచి ఎవరూ తప్పించుకోలేరు. అలాంటి స్కూలు బ్యాగులో చేరిన ఆ పామును తాకి కూడా ప్రాణాలు నిలుపుకున్న ఆ చిన్నారని చూసి ఏమదృష్టం అని పొగుడుతున్నారు. 
 
వింటూనే ఒళ్లు జలదరించే ఈ ఘటన మహబూబాబాద్‌ జిల్లా కేసముద్రం మండలంలోని కోమటిపల్లి ప్రాథమిక పాఠశాలలో మంగళవారం చోటుచేసుకుంది. కోమటిపల్లి శివారు చంద్రుతండాకు చెందిన ఐదో తరగతి విద్యార్థిని అజ్మీరా అఖిల కోమటిపల్లి గ్రామంలోని ప్రాథమిక పాఠశాలలో చదువుతోంది. స్కూల్లోకి వెళ్లాక బ్యాగు నుంచి పుస్తకం తీయడానికి చేయి పెట్టింది. 
 
చేతికి మెత్తగా తాకినట్లుగా అనిపించడంతో బ్యాగ్‌ను పూర్తిగా తెరిచేసరికి లోపల పాము కనిపించింది. ఆమె ఒక్కసారిగా అరుస్తూ క్లాస్‌ టీచర్‌ క్రిష్ణయ్య వద్దకు పరుగెత్తింది.  ఆ క్లాస్‌టీచర్, హెచ్‌ఎం సోమిరెడ్డి కలసి క్లాసులో ఉన్న పిల్లలందరినీ బయటకు పంపించారు. వెంటనే దాన్ని కర్రతో కొట్టి చంపేయడంతో ప్రమాదం తప్పింది.
 
ఇంతకూ ఆ విద్యార్థిని తెచ్చుకున్న పుస్తకాల సంచిలో ఏ పాము ఉందో తెలుసా.. రక్తపింజర. కాటేసిన మరుక్షణం నుంచి శరీరంలోని చర్మరంధ్రాల నుంచి రక్తం కారి మనుషులు అమాంతంగా చనిపోతారని పల్లెల్లో వణికి చస్తారు. అలాంటి భయంకరమైన విషపామును చేత్తో తాకి కూడా ఆ పాప ప్రాణం నిలుపుకుందంటే మహాదృష్టమే కదా.
 
అన్నీ చూడండి

టాలీవుడ్ లేటెస్ట్

నేను-కీర్తన తో చిమటా రమేష్ బాబు విజయభేరి మ్రోగించాలి : మురళీమోహన్

15 కోట్లతో మట్కా చిత్రం కోసం ఫిలింసిటీలో వింటేజ్ వైజాగ్ సెట్‌

ప్రపంచ వ్యాప్తంగా కమ్ముకున్న "కల్కి" ఫీవర్

రాజమౌళి దంపతులకు అరుదైన గౌరవం... ఆహ్వానం కూడా...!!

కథంతా చెప్పేసిన థీమ్ ఆఫ్ క‌ల్కి లిరిక‌ల్ వీడియో

అన్నీ చూడండి

ఆరోగ్యం ఇంకా...

జుట్టు ఊడిపోతుందా? ఇవి కూడా కారణం కావచ్చు

బెండ కాయలు ఎందుకు తినాలో తెలుసా?

పాలుతో చేసే టీ తాగితే కలిగే ప్రయోజనాలు ఏమిటి?

పచ్చిమిరపకాయలను నానబెట్టిన నీటిని తాగితే?

పిల్లలు, మహిళలు పిస్తా పప్పులు తింటే?

తర్వాతి కథనం
Show comments