తెలంగాణ రాష్ట్ర ఫిజికల్ ఎడ్యుకేషన్ కామన్ ఎంట్రెన్స్ టెస్ట్ (టీఎస్ పీఈసెట్) రెండో, తుది విడత కౌన్సెలింగ్ బుధవారం నుంచి ప్రారంభంకానుంది. ఈ మేరకు టీఎస్ పీఈసెంట్ కన్వీనర్, ప్రొఫెసర్ రమేష్ బాబు సోమవారం ఒక పత్రికా ప్రకటన విడుదల చేసారు.
టీఎస్ పీఈసెట్ కౌన్సెలింగ్‌కు హాజరయ్యే అభ్యర్థులు ఈ నెల 5, 6 తేదీల్లో రిజిస్ట్రేషన్ చేసుకోవాలన్నారు. ఈ నెల 7వ తేదీన కౌన్సెలింగ్‌కు హాజరయ్యే అభ్యర్థుల పేర్లను వెల్లడిస్తామని తెలిపారు. 12 నుంచి 17వ తేదీ వరకు అభ్యర్థుల ధృవీకరణ పత్రాల పరిశీలన చేపట్టి, ఆ తర్వాత అడ్మిషన్లు కల్పిస్తామని ఆయన తన ప్రకటనలో వివరించారు.