తెలంగాణ మంత్రి శ్రీనివాస్ గౌడ్‌పై ఇటీవల హత్యాయత్నం జరిగిన సంగతి తెలిసిందే. కేసులో ప్ర‌ధాన నిందితుడిగా ఉన్న మున్నూరు ర‌వి తెరాస ప్లీనరీలో తళుక్కుమన్నాడు. పార్టీ వేడుక‌కు హాజ‌రై.. పార్టీ నేత‌ల‌తో క‌లిసి ఫొటోలు దిగాడు. ఈ వ్య‌వ‌హారం పార్టీ ప్లీనరీలో క‌ల‌క‌లం రేపింది.
పార్టీ ప్లీన‌రీకి హాజర‌య్యే నేత‌ల‌కు పార్టీ సెక్యూరిటీ, బార్ కోడ్‌ ఉన్న పాసుల‌ు జారీ చేసింది. పాసు ఉన్న వారే పార్టీ వేడుక‌కు హాజ‌రు కావాల‌ని పార్టీ వర్కింగ్ ప్రెసిడెంట్ కేటీఆర్ పార్టీ శ్రేణుల‌కు సూచించారు.
మున్నూరు ర‌వికి ఈ పాస్ లేకున్నా అత‌డు పార్టీ ప్లీన‌రీకి ఎలా హాజ‌ర‌య్యాడ‌నే విష‌యంపై పార్టీ నేత‌లు ప్ర‌శ్నిస్తున్నారు. కేవ‌లం పార్టీ ఐడీ కార్డుతో మున్నూరు ర‌వి పార్టీ వేడుక‌కు హాజ‌ర‌య్యాడ‌ని ఆ త‌ర్వాత తెలిసింది.
పార్టీ వేడుక‌లో అధినేత కేసీఆర్ కీల‌క ప్ర‌సంగం చేస్తున్న స‌మ‌యంలో కూడా మున్నూరు ర‌వి ఇంకా అక్క‌డే ఉన్నాడు. దీనిపై ఆ పార్టీ నేత‌లు చ‌ర్చించుకుంటున్నారు.