ప్రముఖ యాంకర్, జర్నలిస్ట్ తీన్మార్ మల్లన్నను మరోమారు అరెస్టు చేశారు. ఇప్పటికే ఓ కేసులో అరెస్టు చేసి జైల్లో బంధించిన విషయం తెల్సిందే. ఈ నేపథ్యంలో తాజాగా మరోమారు ఆయన్ను ఇంకో కేసులో అరెస్టు చేశారు. అలా చేయడం ద్వారా ఆయన్ను శాశ్వతంగా జైల్లో ఉంచే కుట్ర సాగుతుందన్న అనుమానాలు వస్తున్నాయి.
తెలంగాణాలో అధికార పార్టీ నాయకులకు తీన్మార్ మల్లన్న రాజ‌కీయంగా పంటి కింద రాయిలా మారాడు. ఈ కారణంగానే ఆయనపై అక్ర‌మ కేసులు బ‌నాయిస్తున్నార‌నే ఆరోపణలు లేకపోలేదు. ఈ క్రమంలో ఆయన్ను మరో కేసు కింద అరెస్టు చేయడం ఈ ఆరోపణలకు బలం చేకూర్చుతుంది.
త‌ను ఇప్పటికే అరెస్టు అయిన కేసుల్లో బెయిల్ రావ‌టంతో మల్లన్న రిలీజ్ అవుతార‌ని అంతా భావించారు. అలా బెయిల్ బ‌య‌ట‌కు వ‌చ్చారో లేదో నిజామాబాద్ పోలీసులు మళ్లీ అరెస్టు చేశారు. ఓ క‌ల్లు వ్యాపారి ఫిర్యాదుతో పెట్టిన కేసులో మల్లన్నను అరెస్టు చేసి రిమాండ్ చేసిన‌ట్లు తెలుస్తోంది. ఈ కేసులో మల్లన్న ఏ-5గా ఉన్నారు.