హైదరాబాదులో అనాధ ఆత్మహత్య, ఆ త‌ర్వాత ఏం జ‌రిగింది?

జీవితం ఎంతో చిన్న‌ది. ఇంకెంతో విలువైన‌ది అని తెలిసిన‌ప్ప‌టికీ... చిన్నచిన్న కార‌ణాల‌కే ఆత్మ‌హ‌త్య చేసుకుంటున్నారు. ఇంత‌కీ ఏం జ‌రిగిందంటే... హైద్రాబాదుకు చెందిన విజయ్ ఒక అనాధ. క్యాబ్ డ్రైవర్‌గా వ‌ర్క్ చేస్తున్నాడు. ఏం క‌ష్టం వ‌చ్చిందో ఏమో కానీ... జీవితం మీద విరక్తి చెందాను అని నిన్న రాత్రి ఆత్మహత్య చేసుకున్నాడు. 

ఆత్మహత్య చేసుకునే ముందు అనాధ శవాలను అంత్యక్రియలు నిర్వహించే సంస్థ అయిన సెర్వ్ నీడి గురించి తెలుసుకున్నాడు. క్యాబ్ డ్రైవర్‌గా తాను సంపాదించిన 6000 రూపాయలను సెర్వ్ నీడి సంస్థకు సంబంధించిన‌ వాళ్లకు కలిసి అందజేశాడు. మీకెపుడైన అనాధ శవం దొరికితే ఈ డబ్బులను వినియోగించండి అని 6000 రూపాయలను అందజేసి వెళ్ళిపోయాడు. ఇక తన శవం ఎలాగూ వీళ్లకు దొరుకుతుంది కదా అనేది ఇత‌ని ఆలోచ‌న‌. 

ఆత్మ‌హ‌త్య చేసుకునే ముందు ఓ లెట‌ర్ రాసాడు. అందులో త‌న శ‌వాన్ని ఆ సంస్థ వాళ్లకు అప్ప‌చెప్పాల‌ని రాసాడు. అనాధ అయిన తనకు అంత్యక్రియలను వారు నిర్వహిస్తారని లెటర్ రాసి ఆత్మహత్య చేసుకున్నాడు.

విషయం ఏమిటంటే తాను ఆత్మహత్య చేసుకోబోతున్నాను అని ముందుగానే తెలిసి ఆ సంస్థకు ఏమి చెప్పకుండా డబ్బులు ఇచ్చి వెళ్ళిపోయాడు. ఈరోజు పంజాగుట్టలో అతడి శవాన్ని స్వాధీనం చేసుకున్న సర్వ్ నీడి సంస్థ అంత్యక్రియలను నిర్వహించింది. ప్ర‌తి స‌మ‌స్య‌కు ఓ ప‌రిష్కారం ఉంటుంది. అది తెలుసుకుంటే... ఇలా ఎవ‌రూ చేయ‌రు.