హైదర్ గూడ ఇష్తా సిటీ అపార్టుమెంట్‌లో అగ్నిప్రమాదం

హైదరాబాద్ నగరంలోని హైదర్‌గూడ ఇష్తా సిటీ బహుళ అంతస్తు భవనంలో ఆదివారం భారీ అగ్నిప్రమాదం సంభవించింది. ఈ అపార్ట్‌మెంట్‌లోని 521 నంబరు ఉన్న ఫ్లాట్‌లో ఒక్కసారిగా మంటలు వ్యాపించాయి. ఈ మంటలు క్షణాల్లో ఇతర ఫ్లాట్లకు కూడా వ్యాపించాయి. 

ఈ మంటలను చూసిన ఆ అపార్టుమెంట్ వాసులు ప్రాణభయంతో బయటకు పరుగులు తీశారు. సమాచారం అందుకున్న పోలీసులు, అగ్నిమాపకదళ సిబ్బంది ఘటనా స్థలానికి చేరుకుని మంటలను ఆర్పివేశాయి. 

అయితే, ఈ అగ్నిప్రమాదం వల్ల ఫ్లాట్లలోని సామాగ్రి అంతా పూర్తిగా దగ్ధమైపోయినట్టు సమాచారం. దీనిపై కేసు నమోదు చేసుకున్న పోలీసులు.. కేసు నమోదు చేసి దర్యాప్తు జరుపుతున్నారు. అయితే, ఈ అగ్నిప్రమాదం షార్ట్ సర్క్యూట్ కారణంగానే జరిగినట్టు పోలీసులు ప్రాథమికంగా ఓ నిర్ధారణకు వచ్చారు.