హైదరాబాద్ హలీమ్‌కు దక్కిన అరుదైన గౌరవం.. ఏంటది?

ముస్లిం సోదరుల పవిత్ర పండుగ రంజాన్ వస్తుందంటే అందరి దృష్టి హైదరాబాద్ నగరంవైపే ఉంటుంది. రంజాన్ మాసంలో భాగ్యనగరిలో ప్రత్యేకంగా తయారు చేసే హలీమ్‌ను రుచి చూడాలని కోరుకోని వారుండరంటే అతిశయోక్తి కాదు. అలాంటి హలీమ్‌కు మరో అరుదైన గుర్తింపు లభించింది. గత 2010లో హైదరాబాద్ హలీమ్‌కు జీఐ (జియోగ్రాఫికల్ ఇండికేషన్) గుర్తింపు లభించింది. ఇపుడు మోస్ట్ పాపులర్ జీఐ అవార్డుకు ఎంపికైంది. 

తాజాగా మరో అరుదైన గుర్తింపు దక్కింది. మోస్ట్ పాపులర్ జీఐగా హైదరాబాద్ హలీమ్ ఎంపికైంది. రసగుల్లా, బికనీర్ భుజియా వంటి 17 వంటకాలను వెనక్కి నెట్టిన హలీమ్ ఈ అవార్డును అందుకుంది. భారతీయులతో పాటు విదేశీయులు పాల్గొన్న ఓటింగ్ ద్వారా భారత వాణిజ్య మంత్రిత్వ శాఖ హైదరాబాద్ హలీమ్‌ను మోస్ట్ పాప్యులర్ జీఐ అవార్డుకు ఎంపిక చేసింది. ఇదే అవార్డును గతంలోనూ ఓసారి దక్కించుకుంది.