గోదావరి పుష్కరాలు మరో రెండువారాల్లో జరుగనున్నాయి. కానీ, తెలంగాణ రాష్ట్ర భూభాగంలో ఉన్న గోదావరి నదిలో ఎడారిని తలపిస్తోంది. ముఖ్యంగా ప్రముఖ పుణ్యస్థలం బాసర వద్ద చుక్కనీరు లేదు. దీంతో టీ అధికారులు తలలు పట్టుకుంటున్నారు. పైగా ఈ పుష్కరాల సందర్భంగా ఆ రాష్ట్ర ముఖ్యమంత్రి కేసీఆర్ బాసర వద్ద తలస్నానం చేయనున్నారు.
అయినప్పటికీ అక్కడ చుక్కనీరు లేదు. దీంతో కరీంనగర్ జిల్లా ధర్మపురి వద్ద స్నానం చేసేలా కేసీఆర్ షెడ్యూల్‌ను మార్చారు. అదేసమయంలో ఈ పది రోజుల్లో గోదావరి ఎగువప్రాంతాల్లో భారీవర్షాలు పడితేనే నీరు వస్తుంది. నీరు రాకుంటే జల్లు స్నానాలకు ఏర్పాట్లు చేస్తామని అధికారులు చెపుతున్నారు.
మరోవైపు ఆంధ్రప్రదేశ్ రాష్ట్రంలో రాజమండ్రి వద్ద నదిలో పుష్కలంగా నీరుంది. దీంతో ఏపీ ప్రభుత్వం ఊపిరిపీల్చుకుంది. ప్రస్తుతం ఇక్కడ ముమ్మరంగా పుష్కర ఏర్పాట్లు సూగుతున్నాయి.