ఆ రైల్వే డివిజన్ పరిధిలో నెల రోజుల పాటు అనేక రైళ్లు రద్దు!!

దక్షిణ మధ్య రైల్వే ప్రయాణికులకు షాకింగ్ వార్త చెప్పింది. తమ డివిజన్ పరిధిలో నెల రోజుల పాటు అనేక రైళ్లను రద్దు చేయనున్నట్టు తెలిపింది. ముఖ్యంగా, కాజీపేట - సిర్పూర్ కాగజ్ నగర్ ప్రాంతాల మధ్య ఈ రైళ్లను రద్దు చేస్తున్నట్టు తెలిపింది. వీటిలో ప్యాసింజర్, ఎక్స్‌ప్రెస్, సూపర్ ఫాస్ట్ రైళ్లు కూడా ఉన్నాయి. సిగ్నలింగ్ వ్యవస్థ ఆధునకీకరణ పనులు చేపట్టేందుకు వీలుగా ఈ నిర్ణయం తీసుకున్నట్టు తెలిపింది. అందువల్ల ఈ మార్గంలో రైళ్లను రద్దు చేస్తున్నట్టు ప్రకటించింది. సిగ్నల్ వ్యవస్థ లోపం వల్లే బాలాసోర్ వద్ద మూడు రైళ్లు ఢీకొని ఘోర ప్రమాదం జరిగిందని గుర్తుచేసింది. 

రద్దు చేసిన రైళ్లు ఇవే.. 

17003 కాజీపేట - కాగజ్‌నగర్ రైలు ఈ నెల 17 నుంచి జులై 6 వరకు

12757/58 కాగజ్ నగర్ ఎక్స్‌ప్రెస్ ఈ నెల 23 నుంచి జులై నెల 6 వరకు

12967 చెన్నై - జైపూర్ ఎక్స్‌ప్రెస్ ఈ నెల 23, 25, 30, జులై 2,7 తేదీల్లో రద్దు

12968 జైపూర్ - చెన్నై జైపూర్ ఎక్స్‌ప్రెస్ ఈ నెల 21, 23, 28, 30, జులై 5న రద్దు

12975 మైసూర్ - జైపూర్ సూపర్ ఫాస్ట్ ఈ నెల 27, 29, జులై 4, 6 తేదీల్లో రద్దు

12539 యశ్వంత్‌పూర్ - లక్నో ఈ నెల 26, జులై 3న రద్దు

12540 లక్నో - యశ్వంత్‌పూర్ ఈ నెల 28, జులై 5 తేదీల్లో రద్దు

12577 భాగమతి - మైసూర్ సూపర్ ఫాస్ట్ ఈ నెల 28న మరియు వచ్చే నెల 5న రద్దు

22619 బిలాస్‌పూర్ - త్రివేండ్రం తిరునల్వేలి ఎక్స్‌ప్రెస్ ఈ నెల 25, జులై 2 రద్దు

22620 త్రివేండ్రం - బిలాస్‌పూర్ ఎక్స్‌ప్రెస్ ఈ నెల 23, 30 తేదీల్లో రద్దు

22352 పాటలీపుత్ర - శ్రీమాతా వైష్ణో ఈ నెల 21, 28, జులై 5వ తేదీల్లో రద్దు

22352 శ్రీమాత వైష్ణో - పాటలీపుత్ర ఈ నెల 24, జులై 1, 8 తేదీల్లో రద్దు