పలు పాఠశాలల్లో ఉపాధ్యాయులు ఉండరు. ఒకవేళ తగినంత మంది టీచర్లు ఉంటే విద్యార్థులు ఉండరు. అయితే, తెలంగాణ రాష్ట్రంలోని ఖమ్మం జిల్లా నారపనేని పల్లిలో ఉన్న ప్రభుత్వ పాఠశాలలో విచిత్ర పరిస్థితి నెలకొంది. ఈ పాఠశాలలో కేవలం ఒక్కరంటే ఒక్క విద్యార్థిని మాత్రమే ఉంది. ఆ విద్యార్థిని కోసం ప్రభుత్వం ప్రతి యేటా అక్షరాలా రూ.12.48 లక్షలను ఖర్చు చేస్తుంది.
నారపనేని పల్లి ప్రభుత్వ పాఠశాలలో నాలుగో తరగతి 4వ తరగతి చదువుతున్న విద్యార్థిని కీర్తన కోసం ప్రభుత్వం ఒక ఉపాధ్యాయుడిని నియమించింది. ఆ ఉపాధ్యాయుడుకి నెలకు రూ.1,01,167ను వేతనంగా చెల్లిస్తుంది. ఆ ప్రకారంగా టీచర్‌కు 12 నెలలకుగాను రూ.12.14 లక్షలు చెల్లిస్తుంది. మధ్యాహ్న భోజనం నిమిత్తం వంట మనిషికి నెలకు రూ.3000 ఇస్తుండగా, పారిశుద్ధ్య కార్మికురాలు, స్కూల్ మెయింటైన్ గ్రాండ్, స్పోర్ట్స్ గ్రాండ్.. అన్నీ కలిపి సుమారు రూ.12.84 లక్షల ఖర్చు చేస్తున్నారు. ఈ విషయం ఇపుడు మీడియాలో వైరల్ కావడంతో ఇకపై ఈ పాఠశాలను కొనసాగిస్తారో లేక సమీపంలోని పాఠశాలలో విలీనం చేస్తారో వేచి చూడాల్సిందే.