వయోబేధం లేకుండా మహిళలపై అకృత్యాలు పెరిగిపోతున్నాయి. తాజాగా వరంగల్‌లో దారుణం చోటుచేసుకుంది. 68 ఏళ్ల వృద్ధురాలిని అర్ధనగ్నంగా చేసి అత్యంత దారణంగా హత్య చేశారు. వివరాల్లోకి వెళితే.. వరంగల్ కాజీపేటలోని రహమత్ నగర్‌కు చెందిన ఓ వృద్ధురాలు విజయ హత్యకు గురైంది. స్థానికంగా ఫైనాన్స్ వ్యాపారం చేస్తున్న ఆ వృద్ధురాలిని హతమార్చారు దుండగులు.
కాగా ఫైనాన్స్ దందా చేస్తున్న విజయ డబ్బుల విషయంలో ఖరాఖండీగా వ్యవహరిస్తూ ఉండేది. గురువారం బయటికి వెళ్లి ఆ వృద్ధురాలు ఇంటికి తిరగలేదు. దీంతోనే అనుమానం వచ్చిన కుటుంబ సభ్యులు పోలీసులకు ఫిర్యాదు చేశారు.
దీనిపై కేసు నమోదు చేసుకున్న పోలీసులు దర్యాప్తు చేపట్టారు. దీంతో కాలనీలో నడిరోడ్డుపై విజయ విగతజీవిగా విజయ కనిపించింది. అది చూసి బోరున విలపించిన కుటుంబ సభ్యులు వెంటనే కాజీపేట పోలీసులకు సమాచారం అందించారు.
పోలీసులు సంఘటనా స్థలానికి చేరుకుని దర్యాప్తును వేగవం చేశారు. ఇదంతా దోపిడీ దొంగల పని కావచ్చనే అనుమానాలు వ్యక్తమవుతున్నాయి. ఆమెపై వున్న బంగారం, నగదు కనిపించలేదని పోలీసులు చెప్పారు. విజయ ఉండే ఇంటి గల్లీలో సీసీ కెమెరాలు లేకపోవడంతో ఆ పక్కన ఉన్న ఏరియాల్లో ఉన్న కెమెరాలను పరిశీలించే పనిలో పడ్డారు.