బంధువు కోసం ఖమ్మంలో విక్టరీ వెంకటేష్ ఎన్నికల ప్రచారం

venkatesh

ప్రముఖ టాలీవుడ్ నటుడు వెంకటేష్ మంగళవారం ఖమ్మం లోక్‌సభ నియోజకవర్గంలో తన బంధువు, కాంగ్రెస్ అభ్యర్థి రామసహాయం రఘురాం రెడ్డికి మద్దతుగా రోడ్‌షో నిర్వహించారు. ఖమ్మం పట్టణంలో రఘురాంరెడ్డి, రాష్ట్ర దేవాదాయ శాఖ మంత్రి పొంగులేటి శ్రీనివాసరెడ్డితో కలిసి ఆయన రోడ్‌షోలో పాల్గొన్నారు.

 పెద్ద సంఖ్యలో కాంగ్రెస్ కార్యకర్తలు, వెంకటేష్ అభిమానులు రోడ్‌షోలో పాల్గొన్నారు. తనను చూసేందుకు రోడ్డుకు ఇరువైపులా గుమికూడిన ప్రజలకు వెంకీ అభివాదం తెలిపారు. రఘురాంరెడ్డిని భారీ మెజార్టీతో గెలిపించాలని ఓటర్లకు విజ్ఞప్తి చేశారు. 

వెంకటేష్ కూతురు ఆశ్రిత రఘురామ్ రెడ్డి పెద్ద కొడుకు వినాయక్ రెడ్డిని వివాహం చేసుకుంది. ఆశ్రిత గత కొన్ని రోజులుగా తన మామగారి కోసం ప్రచారం చేస్తోంది. శ్రీనివాసరెడ్డి కుమార్తె స్వప్ని రఘురాంరెడ్డి రెండో కుమారుడు అర్జున్ రెడ్డిని వివాహం చేసుకున్నారు.

రఘురామ్ రెడ్డి కాంగ్రెస్ సీనియర్ నాయకుడు, మహబూబాబాద్, వరంగల్ మాజీ ఎంపీ రామసహాయం సురేందర్ రెడ్డి కుమారుడు. దీంతో లోక్‌సభ ఎన్నికల కోసం తెలంగాణలోని అభ్యర్థులకు మద్దతుగా ప్రచారం చేసిన తొలి టాలీవుడ్ నటుడిగా వెంకటేష్ నిలిచాడు.