ట్యూషన్‌‌కు వెళ్లి మాయమయ్యాడు.. సీసీటీవీ కెమెరాల్లో దొరికాడు..

Parinav

బెంగళూరులోని తన ట్యూషన్‌‌కు వెళ్లి ఆదివారం (జనవరి 21) నుంచి అదృశ్యమైన 12 ఏళ్ల బాలుడు బుధవారం హైదరాబాద్‌లోని నాంపల్లి మెట్రో స్టేషన్‌లో ఆచూకీ లభించింది. ఆయా ప్రాంతాల్లో అమర్చిన సీసీటీవీ కెమెరాల్లో పరిణవ్‌గా గుర్తించిన బాలుడు వివిధ ప్రాంతాల్లో కనిపించాడు. చిన్నారిని తీసుకెళ్లేందుకు తల్లిదండ్రులు వెళ్తున్నట్లు సమాచారం. 

తన బిడ్డను కనుగొనడంలో సహాయం చేసిన అధికారులకు, ప్రతి ఒక్కరికి అతని తల్లి కృతజ్ఞతలు తెలిపిన వీడియో సోషల్ మీడియాలో హల్ చల్ చేస్తోంది. హైదరాబాద్‌లోని నాంపల్లి మెట్రో స్టేషన్‌లో తన బిడ్డ కనిపించాడని చెప్పింది.