కృష్ణాష్టమి స్పెషల్ : రవ్వా లడ్డూ ట్రై చేయండి

శ్రీ కృష్ణాష్టమికి రవ్వా లడ్డూ ట్రై చేయండి. ఈ రిసిపీని సులభంగా చేసేయొచ్చు. 

కావలసిన పదార్థాలు :

బొంబాయి రవ్వ... రెండు కప్పులు

తురిమిన పచ్చికొబ్బరి... రెండు కప్పులు

పంచదార... ఒకటిన్నర కప్పు

నెయ్యి... అర కప్పు

జీడిపప్పు... రెండు టీస్పూన్‌లు

కిస్ మిస్... రెండు టీస్పూన్‌లు

యాలకుల పొడి... పావు టీస్పూన్

తయారీ విధానం :

మొదట దళసరి మూకుడులో కొంచెం నెయ్యి వేసి రవ్వను దోరగా వేయించుకోవాలి. దీంట్లో కొబ్బరి తురుము, పంచదార వేసి నీరు కొద్దిగా పోసి కలియ బెట్టాలి. చెక్కర కరిగి గట్టిపడుతున్నప్పుడు యాలకుల పొడి చల్లి దించుకోవాలి. ఈ మిశ్రమంలో నేతిలో వేయించిన జీడిపప్పు, కిస్‌మిస్ వేసి ఆరిపోక ముందే గుండ్రంగా లడ్డూలు చుట్టుకోవాలి. లడ్డూలుగా చేసేటప్పుడు ఆరిపోయినట్లనిపిస్తే... కొంచెం పాలు చల్లుకుంటూ ఉండలు చుట్టుకుంటే బాగా వస్తాయి.