Janmastami 2025: కదంబ వృక్షంతో శ్రీకృష్ణునికి వున్న సంబంధం ఏంటి?

కదంబ వృక్షానికి శ్రీకృష్ణుడితో చాలా దగ్గరి సంబంధం ఉంది. గోపికల చీరలను ఈ చెట్టు మీదనే దాచాడని, రాధాకృష్ణుల ప్రేమకథలు ఈ చెట్టు నీడలోనే జరిగాయని పురాణాలు చెబుతున్నాయి. ఈ కారణం వల్ల ఉత్తర భారతంలో దీనిని కృష్ణ వృక్షం అని కూడా పిలుస్తారు. దక్షిణ భారతదేశంలో, ఈ వృక్షాన్ని పార్వతి వృక్షం అని పిలుస్తారు. జగజ్జనని అమ్మవారిని కదంబవనవాసినిగా పూజిస్తారు. లలితాదేవి పూజలో కదంబ పుష్పాలను ఎక్కువగా ఉపయోగిస్తారు.

హనుమంతుని పుట్టుకకు ఈ వృక్షం మూలమని కూడా కొన్ని కథలు చెబుతాయి. ఈ చెట్టును పూజిస్తే పాపాలు తొలగిపోతాయని, గ్రహ దోషాలు ఉన్నవారు అమ్మవారిని కదంబ పుష్పాలతో పూజిస్తే దోష పరిహారం జరుగుతుందని నమ్ముతారు. కదంబ వృక్షం కేవలం ఆధ్యాత్మికంగానే కాకుండా, ఔషధ గుణాల పరంగా కూడా చాలా ప్రసిద్ధి చెందింది.