దక్షిణ కొరియాలోని ఇంచియాన్‌లో జరుగుతున్న 17వ ఆసియా గేమ్స్‌లో భారత్ పతకాల వేట కొనసాగుతోంది. తాజాగా భారత్ ఖాతాలో మరో వెండి పతకం చేరింది. మహిళల 800 మీటర్ల రేసులో భారత్ క్రీడాకారిణి టింటూ లుకా ఈ వెండి పతకాన్ని సాధించింది.
1:59:19 సెకన్లలో గమ్యస్థానాన్ని చేరుతుని ఈ రజత పతకాన్ని కైవసం చేసుకుంది. అలాగే భారత్‌కు చెందిన మరో క్రీడాకారిణి సుష్మా దేవి నాల్గవ స్దానంలో నిలిచింది.
ఆమె 2:01:92 సెకన్లలో గమ్యస్థానాన్ని చేరుకుంది. మహిళల జావిలిన్ త్రోలో భారత్‌కు కాంస్య పతకం దక్కింది.
జావిలిన్ త్రోలో అన్ను రాణి సాధించిన ఈ మెడల్‌తో భారత్‌కు పతకాల పట్టికలో 50 మెడల్ వచ్చి చేరింది. దీంతో దక్షిణ కొరియాలో జరుగుతున్న ఆసియా గేమ్స్‌లో భారత్ పతకలా పట్టికలో 7 బంగారు, 9 వెండి, 34 కాంస్య పతకాలు సాధించింది.