జీవితాన్ని సమీక్షించుకుంటున్నా... షోయబ్‌తో విడాకుల తర్వాత సానియా ట్వీట్

పాకిస్థాన్ మాజీ క్రికెటర్ షోయబ్ మాలిక్‌తో విడాకులు తీసుకున్న తర్వాత భారత టెన్నిస్ మాజీ క్రీడాకారిణి, హైరాబాద్ టెన్నిస్ ఏస్ సానియా మీర్జా తొలిసారి స్పందించారు. తన జీవితాన్ని సమీక్షించుకుంటున్నట్టు వెల్లడించిన ఆమె.. అద్దంలో తనను తాను చూసుకుంటున్న ఫోటోను షేర్ చేసి రిఫ్లెక్ట్ అంటూ ఒకే ఒక పదాన్ని ట్యాగ్ చేశారు. తనను తాను సమీక్షించుకుంటున్నాననే అర్థం వచ్చేలా ఈ కామెంట్ పెట్టారు.అయితే, విడాకుల గురించి ఆమె ఎక్కడా ఎలాంటి ప్రస్తావన చేయలేదు. 

గత కొంతకాలంగా సానియా మీర్జా - షోయల్ మాలిక్ వివాహ బంధంపై సోషల్ మీడియాలో అనేక రకాలైన వార్తలు చక్కర్లు కొడుతున్న విషయం తెల్సిందే. వీటిని నిజం చేస్తూ షోయబ్ మాలిక్ మరో వివాహం చేసుకున్నాడు. పాకిస్థాన్ ప్రముఖ నటి సానా జావేద్‌ను వివాహం చేసుకున్నాడు. ఈ ఫోటోలను ఆయన షేర్ చేయడంత ఈ వివాహ బంధంపై వచ్చిన ఊహాగానాలకు తెరపడింది. 

ఈ ఫోటోల తర్వాత సానియా కుటుంబం స్పందించింది. షోయబ్‌తో సానియా ఖులా చేసుకున్నారని తెలిపింది. సానియా మీర్జానే తనంతట తానుగా విడాకులు తీసుకున్నారని చెప్పారు. ఇలాంటి సమయంలో సానియా మీర్జా వ్యక్తిగత గోప్యతను గౌరవించాలని ఆమె తండ్రి అభిమానులకు విజ్ఞప్తి చేశారు. ఇపుడు సానియా మీర్జా రిఫ్లెక్ట్ అంటూ ట్వీట్ చేయడం చర్చనీయాంశంగా మారింది.