ధోనీకి ఫుట్‌బాల్ అంటే ఎంతిష్టం.. దఢక్ హీరోతో ఆడేశాడు..

టీమిండియా మాజీ కెప్టెన్ మహేంద్ర సింగ్ ధోనీకి ఫుట్‌బాల్ చాలా ఇష్టం. క్రికెట్ నుంచి కాస్త బ్రేక్ దొరికితే ధోనీ ఫుట్‌బాల్ స్టేడియంలో కనిపిస్తాడు. తాజాగా ఇంగ్లాండ్‌లో టీ20, వన్డే సిరీస్ ముగియడంతో స్వదేశాన

టీమిండియా మాజీ కెప్టెన్ మహేంద్ర సింగ్ ధోనీకి ఫుట్‌బాల్ చాలా ఇష్టం. క్రికెట్ నుంచి కాస్త బ్రేక్ దొరికితే ధోనీ ఫుట్‌బాల్ స్టేడియంలో కనిపిస్తాడు. తాజాగా ఇంగ్లాండ్‌లో టీ20, వన్డే సిరీస్ ముగియడంతో స్వదేశానికి తిరిగొచ్చిన ధోనీ, ఇటీవలే రిలీజైన ధడక్ సినిమా హీరో ఇషాన్ ఖట్టర్‌తో ఫుట్‌బాల్ మ్యాచ్ ఆడాడు. 

ముంబైలో జరిగిన ఓ ఛారిటీ మ్యాచ్‌లో బంతాట ఆడిన మహేంద్ర సింగ్ ధోనీ బాలీవుడ్ హీరో షాహిద్ కపూర్ తమ్ముడికి ఫుట్ బాల్ టిప్స్ నేర్పించాడు. ఈ మ్యాచ్‌లో ధడక్ సినిమా డైరెక్టర్ శశాంక్ ఖేతాన్ కూడా ఆడాడు. 

ఇకపోతే, క్రికెట్‌లోకి రాకముందు ధోనీ తన స్కూల్ ఫుట్‌బాల్ టీమ్‌లో గోల్ కీపర్‌గా ఆడేవాడు. కోచ్ బలవంతం కొద్దీ క్రికెటర్ అయ్యాడు. కానీ లేకపోతే సాకర్‌లో సూపర్ స్టార్ అయ్యేవాడని క్రీడా పండితులు అంటున్నారు. ఇండియన్ సూపర్ లీగ్‌లో ఆడే చెన్నై ఎఫ్‌సీ‌టీమ్‌కి ధోనీ సహ యజమాని. దీనిని బట్టి ధోనీకి ఫుట్‌బాల్ ఎంత ఇష్టమో అర్థం చేసుకోవచ్చునని క్రీడా పండితులు చెప్తున్నారు.