ఆస్ట్రేలియన్ ఓపెన్ మహిళల డబుల్స్‌లో భారత టెన్నిస్ స్టార్, తెలంగాణ బ్రాండ్ అంబాసిడర్ సానియా మీర్జా అదరగొట్టింది. మహిళల డబుల్స్ విభాగంలో చైనీస్ తైపీ క్రీడాకారిణి సువెయ్ సీతో కలిసి ఆడిన సానియా మీర్జా తొలి రౌండ్‌లో సానియా, సీ జోడీ 6-2, 6-0 తేడాతో విజయాన్ని నమోదు చేసుకుంది.
అలాగే పురుషుల డబుల్స్ విభాగంలో భారత వెటరన్ ఆటగాడు లియాండర్ పేస్ బోణీ చేశాడు. దక్షిణాఫ్రికాకు చెందిన రవెన్ క్లాసెన్‌తో కలిసి ఆడుతున్న అతను మొదటి రౌండ్‌లో స్కాట్ లిప్‌స్కీ, రాజీవ్ రామ్ జోడీని 6-4, 7-6 తేడాతో మట్టికరిపించాడు.