హత్యకు గురైన టీనేజీ ఫుట్ బాలర్‌ చివరి గోల్ కొట్టాడు.. ఎలా?

last goal

మెక్సికోలో టీనేజీ ఫుట్ బాలర్‌ హత్యకు గురయ్యాడు. అయితే చివరి గోల్‌తోనే అత‌డికి వీడ్కోలు పలకాలను సహచరులు అనుకున్నారు. అంతే మిత్రుడి మృత‌దేహాన్ని శ‌వ‌పేటిక‌లో పెట్టారు. 

ఓ గోల్ పోస్ట్ ముందు శ‌వ‌పేటిక‌ను పెట్టారు. ఓ స‌హ‌చ‌రుడు గోల్ కీప‌ర్ అవ‌తారం ఎత్తితే.. మిగిలిన వారు శ‌వ‌పేటిక‌లోని మిత్రుడితో క‌లిసి మైదానంలో ఆట ఆడుతున్న తీరుగా నిల‌బ‌డ్డారు. 

చివరికి మృతుడి స‌హ‌చ‌రుడు ఫుట్ బాల్‌ను కాలితో త‌న్నాడు. ఆ బాల్‌ను అందుకున్న మ‌రో మిత్రుడు దానిని నేరుగా శ‌వ‌పేటిక‌కు గురి పెట్టాడు. ఆ బాల్ శ‌వ‌పేటిక‌ను తాకి నేరుగా గోల్ పోస్ట్‌లోకి వెళ్లింది. 

అంతే... శ‌వ‌పేటిక‌లోని త‌మ మిత్రుడే గోల్ కొట్టాడంటూ అత‌డి మిత్రులంతా శ‌వ‌పేటిక‌పై ప‌డి అత‌డిని అభినందిస్తూ అలా కొన్ని సెక‌న్ల పాటు ఉండిపోయారు. 

క‌న్నీళ్లు పెట్టిస్తున్న ఈ దృశ్యం మెక్సికోలో చోటుచేసుకుంది. ఈ వీడియోను ఆర్ఎస్‌పీ గోయెంకా చైర్మ‌న్ హ‌ర్ష్ గోయెంకా ట్విట్ట‌ర్‌లో షేర్ చేశారు. ఈ వీడియో కాస్త నెట్టింట వైరల్ అవుతోంది.