కర్ణాటకలో ఏడు తలల నాగుపాము..? (video)

కర్ణాటకలో ఏడు తలల నాగుపాము కుబుసం కనిపించింది. ప్రస్తుతం దీనికి సంబంధించిన ఫోటో నెట్టింట వైరల్ అవుతోంది. ఏడు తలల నాగుపాముకు సంబంధించిన కుబుసం కనిపించగానే ప్రజలు పసుపుకుంకుమలు పెట్టి.. పువ్వులు చల్లి ఆ కుబుసానికి పూజలు చేస్తున్నారు. ఏడు తలల అరుదైన నాగుపాము కర్ణాటకలోని మెకెడటు అనే ప్రాంతంలో సంచరిస్తుందని ప్రజలు నమ్ముతున్నారు. 

సాధారణంగా ఒక తల నాగుపాము కనబడితేనే ప్రజలు దానిని నాగరాజుగా భావిస్తారు. అలాంటిది.. ఏడు తలల నాగుపాము కనిపించకపోయినా.. ఆ కుబుసం కర్ణాటకలోని రామనగర ప్రాంతంలో కనిపించగానే.. ప్రజలు కుబుసాన్ని చూసేందుకు ఎగబడుతున్నారు. ఎందుకంటే.. ఏడు తలల నాగరాజు దేవాంశసంభూతుడు. శ్రీ మహావిష్ణువు ఈ ఏడుతలల ఆదిశేషువుపైనే శయనిస్తారు. 

అలాంటి ఏడు తలల నాగపామును చూస్తేనే అష్టైశ్వర్యాలు సిద్ధిస్తాయని పండితులు చెప్తున్నారు. దీనికోసం ఏడు తలల కుబుసాన్ని చూసేందుకు రామనగర ప్రాంతానికి సమీపంలో గ్రామ ప్రజలు భారీగా తరలి వస్తున్నారు. ఆ కుబుసానికి పూజలు చేస్తున్నారు.