మహాలయ పితృ పక్షం ప్రారంభం.. ఈ 15 రోజులూ ఏం చేయాలంటే..?

మహాలయ పితృ పక్షం అనేది భాద్రపద మాసంలో శుక్ల పక్ష పూర్ణిమ తిథిలో ప్రారంభమయ్యే 15 రోజుల కాలం. ఇది కృష్ణ పక్షం అమావాస్య తిథితో ముగుస్తుంది. ఈ కాలంలో తమ పూర్వీకుల ఆత్మకు శ్రాద్ధం అర్పించడం ఆనవాయితీగా వస్తోంది. పితృ పక్షం శ్రాద్ధం ద్వారా పూర్వీకులు మోక్షాన్ని పొందుతారు.

ఈ ఏడాది పితృ పక్షం సెప్టెంబర్ 10, శనివారం ప్రారంభమైంది. ఇది సెప్టెంబర్‌ 25వ తేదీతో ముగుస్తుంది. ఈ సంవత్సరం సెప్టెంబర్ 25న వచ్చే మహాలయ రోజున శ్రాద్ధ కాలం ముగుస్తుంది. పూర్వీకుల ఆత్మలు పితృలోకంలో నివసిస్తాయని.. పితృపక్షం సమయంలో వారు భూమిపైకి వస్తారని నమ్ముతారు. 

కాబట్టి, ప్రతి సంవత్సరం ఈ సమయంలో, పితృదేవతలకు శ్రాద్ధం ఇవ్వడం మరిచిపోకూడదని ఆధ్యాత్మిక పండితులు అంటున్నారు. 

1. 1వ రోజు పూజ.. ధనాభివృద్ధినిస్తుంది. 

2. రెండవ రోజు - సత్సంతానం

3. మూడవ రోజు - తృతీయ అనుకున్న కోరికలు నెరవేరుతాయి.

4. నాల్గవ రోజు - చతుర్థి శత్రువుల బారి నుంచి తప్పించుకునేలా చేస్తుంది. 

5. ఐదవ రోజు - పంచమి ఆస్తి చేరుతుంది. 

6. ఆరవ రోజు - షష్ఠి కీర్తిని పొందుతుంది.

7. ఏడవ రోజు - సప్తమి పదవులు లభిస్తాయి. 

8. ఎనిమిదవ రోజు - అష్టమి సమయోచిత బుద్ధినిస్తుంది

9. తొమ్మిదవ రోజు - నవమి.. వివాహ అడ్డంకులు తొలగిపోతాయి. ఆడశిశువుల జననం.

10. పదవ రోజు - దశమి చిరకాల కోరికలు నెరవేరుతాయి.

11. పదకొండవ రోజు - ఏకాదశి రోజున పూజ చదువు, క్రీడలు, కళా వికాసాన్నిస్తాయి. 

12. పన్నెండవ రోజు - ద్వాదశి రోజున పూజతో బంగారం, వస్త్రాలు చేకూరుతాయి. 

13. పదమూడవ రోజు - త్రయోదశి వ్యవసాయం వృద్ధి చెందుతుంది. గోవులు అభివృద్ధి చెందుతాయి, శ్రేయస్సు, ఆరోగ్యాన్ని ప్రసాదిస్తుంది. 

14. పదునాలుగో రోజు - చతుర్దశి పాపాలు హరించుకుపోతాయి. భవిష్యత్తు తరాలకు మేలు.

15. పదిహేనవ రోజు - పూర్వీకులను పూజించడం వల్ల మన తరానికి కూడా మేలు జరుగుతుంది.

ఇవి... మహాలయ పితృపక్ష కాలంలో చేసే పూజ ద్వారా లభించే ఫలితాలని ఆధ్యాత్మిక పండితులు చెప్తున్నారు.