కార్తీక మాసమంతా మాంసాహారానికి దూరంగా ఉండాలి. శాకాహారమే తీసుకోవాలి. అలాకాకుండా కార్తీక సోమవారాలు, పౌర్ణమి రోజుల్లోనైనా మాంసాహారాన్ని పక్కనబెట్టేయాలి. సోమవార వ్రతంతో మోక్షానికి మార్గం సుగమమవుతుందని, కైలాసం ప్రాప్తిస్తుందని ఆధ్యాత్మిక నిపుణులు అంటున్నారు.
* కార్తీక మాసంలో వచ్చే సోమవారాలను పవిత్రంగా భావించాలి.
* వంకాయలు, ఉల్లిపాయలు, వెల్లుల్లి పాయలు తినకూడదు. ఇతర కాయగూరలు తీసుకోవచ్చు.
* భోజనం మధ్యాహ్నం పూట మాత్రమే తీసుకోవాలి. రాత్రి, ఉదయం పూట అల్పాహారం వంటివి తీసుకోవాలి
* ఆవు పాలు, పండ్లు తీసుకోవచ్చు.
* అభ్యంగన స్నానం చేయాలి.
* ప్రతిరోజూ ఉదయం, సాయంత్రం పరమాత్మ శివుడికి పూజ చేయాలి.. ఇంటిముంగిట దీపాలు వెలిగించాలి.
* శివపురాణం చదవడం లేదా వినడం చేయాలి.
* ప్రతిరోజూ శివపురాణంలోని ఓ అధ్యాయం చేయాలి
* రోజూ లేదా సోమ, పౌర్ణిమ రోజున శివుడికి చేతనైన ప్రసాదం సమర్పించాలి. లేకుంటే పండ్లతోనైనా సరిపెట్టుకోవచ్చు.