గుమగుమలాడే గోంగూర రొయ్యల కూర!!

File

FILE

కావలసిన వస్తువులు!!

గోంగూర : కప్పు
రొయ్యలు : పావుకప్పు,
నెయ్యి/నూనె :4 చెంచాలు
టమాటాలు : తగినన్ని
అల్లంవెల్లుల్లి పేస్ట్‌ : సరిపడా
ఉల్లిపాయలు : రెండు
పచ్చిమిర్చి, ఎండుమిర్చి : నాలుగు
తాళింపుదినుసులు : సరిపడా
ధనియాలపొడి : సరిపడా
పసుపు : అరచెంచా
కారం : 2 చెంచాలు
ఉప్పు : సరిపడ
కరివేపాకు, కొత్తిమీర : గార్నిషింగ్‌

ఎలా తయారు చేయాలి?

ముందుగా గోంగూర ఆకును బాగా కడిగి ఉడికించి పెట్టుకోవాలి. పాన్‌లో నెయ్యి లేదా నూనెను శుభ్రం చేసిన రొయ్యల్ని వేసి బాగా వేయించాలి. ఈ వేయించిన రొయ్యలను నెయ్యి లేకుండా విడిగా తీసిపెట్టుకోవాలి. ఈ మిగిలిన నెయ్యిలో ఎండుమిర్చి, తాలింపుదినుసులు ఉల్లిపాయముక్కలు, కరివేపాకు పచ్చిమిర్చి వేసి వేయించాలి.

అవి దోరగా వేగాక అల్లం వెల్లుల్లి మిశ్రమం ఆ తర్వాత టమాటా ముక్కలు చేర్చాలి. అనంతరం ముందుగా ఉడికించి పెట్టుకున్న గోంగూర, కాస్త పసుపు, ఉప్పు, కారం వేసి మూతపెట్టాలి. కొద్దిసేపు కుతకుత ఉడికిన తర్వాత ధనియాలపొడి, వేయించిన రొయ్యల్ని చేర్చాలి. 5 లేదా 6 నిమిషాలు అయ్యాక కొత్తిమీర చల్లి దింపేస్తే గుమగమలాడే రుచికరమైన గంగూర మీకు సిద్దం.