కాంగ్రెస్ పార్టీ నాయకుడు, మాజీ ప్రధానమంత్రి రాజీవ్ గాంధీ హంతకులను విడుదల చేయాలని ఇటీవల తమిళనాడు ఏఐడీఎంకే(జయలలిత) ప్రభుత్వం తీర్మానించిన నేపథ్యంలో ఈ నిర్ణయంపై సుప్రీంకోర్టు స్టే విధించింది. రాజీవ్ హంతకుల విడుదల అంశాన్ని రాజ్యాంగ ధర్మాసానికి బదలీ చేసింది. అక్కడి నుంచి తదుపరి ఆదేశాలు వచ్చేవరకూ రాజీవ్ గాంధీ హంతకులు జైల్లోనే వుంటారని సుప్రీంకోర్టు పేర్కొంది.
ఈ మేరకు సుప్రీంకోర్టు ప్రధాన న్యాయమూర్తి పి.సదాశివం నేతృత్వంలోని బెంచ్ ఈ మేరకు రాజ్యాంగ ధర్మాసనానికి ఈ కేసును ప్రతిపాదించింది. ఐదుగురు న్యాయమూర్తులతో కూడిన బెంచ్ ఈ కేసులో ఉత్పన్నమైన ధర్మసందేహాలను రాజ్యాంగ ధర్మాసనానికి సమర్పించింది. ఈ కేసులో ముందుగా మరణశిక్షను జీవిత ఖైదుగా మార్చడం, అనంతరం వారిని విడుదల చేయాలని నిర్ణయించడం వంటి అంశాలను బెంచ్ ధర్మాసనం ముందుంచింది.