తాజ్‌మహాల్‌పై తీవ్రవాదుల గురి: దేశవ్యాప్తంగా టెర్రర్‌ అలర్ట్‌

ప్రేమసౌథం తాజ్‌మహాల్‌తో పాటు మరికొన్ని చారిత్రక పర్యాటక కేంద్రాలతో పాటు.. ప్రసిద్ధ ఆలయాలపై తీవ్రవాదులు ఏక్షణంలోనైనా దాడులు జరుపవచ్చని కేంద్ర నిఘా వర్గాలు హెచ్చరికలు జారీ చేశాయి. దీంతో ప్రధాన నగరాలైన ఢిల్లీ, ముంబై, చెన్నయ్, బెంగుళూరు, గోవా, అహ్మదాబాద్, హైదరాబాద్ ప్రాంతాలతో పాటు.. దేశ వ్యాప్తంగా హై అలెర్ట్‌ను ప్రకటించారు.

పాకిస్థాన్‌ ఉగ్రవాద సంస్థ లష్కరే తోయిబా ఈ దాడులను నిర్వహించటానికి పథకాన్ని రూపొందిస్తోందని తెలిపింది. దీంతో అన్ని రాష్ట్రాలు కట్టుదిట్టమైన భద్రతను ఏర్పాటు చేయాలని కేంద్రం ఆదేశించింది. దాడులను ఎదుర్కొవటానికి అవసరమైతే సున్నితమైన ప్రాంతాల్లో అదనపు బలగాలను మొహరించాలని కేంద్ర హోంశాఖ ఆయా రాష్ట్ర ప్రభుత్వాలకు ఆదేశాలు జారీ చేశారు.

ఏ క్షణంలోనైనా తీవ్రవాదులు దాడులకు పాల్పడవచ్చని హెచ్చరించింది. ముంబైలోని తాజ్‌‌హోటల్‌పై మళ్లీ దాడులు చేసేందుకు పన్నాగాలు రూపొందిస్తున్నారని వారు చెప్పారు. సాఫ్ట్‌వేర్‌ హబ్‌ బెంగళూర్‌, పర్యాటకుల స్వర్గం గోవా కూడా టెర్రరిస్టుల జాబితాలో ఉన్నాయని నిఘా వర్గాలు హెచ్చరించారు.