కేరళ వృద్ధనేత కరుణాకరన్ అంత్యక్రియలకు మన్మోహన్

కాంగ్రెస్ వృద్ధనేత, కేరళ మాజీ ముఖ్యమంత్రి కె.కరుణాకరన్ అంత్యక్రియలకు దేశ ప్రధాని డాక్టర్ మన్మోహన్ సింగ్ హాజరవుతున్నారు. ఈ అంత్యక్రియలు శనివారం జరుగనున్నాయి. ఇందులో పాల్గొనేందుకు ప్రధాని న్యూఢిల్లీ నుంచి ప్రత్యేక విమానంలో త్రిస్సూర్‌కు చేరుకుని కరుణాకరన్ భౌతికకాయానికి శ్రద్ధాంజలి ఘటిస్తారు.

ప్రధాని మన్మోహన్ సింగ్ రాక సందర్భంగా త్రిస్సూర్‌లో మూడు వేల మంది పోలీసులతో గట్టిభద్రతను కల్పించారు. కేరళ రాష్ట్రానికి నాలుగు పర్యాయాలు ముఖ్యమంత్రిగా పని చేసిన 93 సంవత్సరాల కరుణాకరన్ గురువారం తిరువనంతపురంలో కన్నుమూసిన విషయం తెల్సిందే.