సిరియాలో ప్రభుత్వ బలగాలు శృతిమించి పోతున్నాయి. ఇటీవల తిరుగుబాటుదారుల శిబిరాలపై రసాయన దాడులు జరిపిన సిరియా ప్రభుత్వ బలగాలు.. తాజాగా ఆ దేశ రాజధాని డమాస్కస్‌లో తనిఖీలు చేస్తున్న ఐక్యరాజ్య సమితి బృందంపై కాల్పులకు తెగబడ్డాయి. అయితే, ఈ కాల్పులను గుర్తు తెలియని వ్యక్తి చేసినట్టు సమాచారం.
రసాయనిక ఆయుధాల వినియోగంపై ఆధారాలు లభిస్తే, సైనిక చర్యకు సిద్ధపడతామంటూ ఒకవైపు పాశ్చాత్య దేశాలు సిరియాను హెచ్చరిస్తుండగా, ఐరాస తనిఖీ బృందంపై కాల్పులు జరపడం గమనార్హం. ఆ తర్వాత ఐరాస బృందం మోదామియేత్ అల్ షామ్ పట్టణంలో బాధితులు చికిత్స పొందుతున్న ఆస్పత్రికి వెళ్లి, బాధితులకు చెందిన నమూనాలను సేకరించింది.