స్వలింగ సంపర్క పోకడలకు వ్యతిరేకంగా రష్యా పోల్వాల్ట్ గ్రేట్ ఇసిన్బయేవా పిలుపునిచ్చింది. రష్యా ప్రభుత్వం రూపొందించిన స్వలింగ, సంపర్క నిషేద చట్టాన్ని సమర్థించింది. కాగా కొన్ని అభ్యంతరాల కారణంగా కార్యరూపం దాల్చలేదు. చట్ట రూపకల్పనపై కొందరు అథ్లెట్లు నిరసన వ్యక్తం చేయడాన్ని ఇసిన్బయేవా తప్పుపట్టింది.
ఇలాంటి సంస్కృతిని అనుమతిస్తే దేశం గురించి ఆందోళన చెందాల్సి ఉంటుందని మనల్ని సహజ, ప్రమాణాలు గల ప్రజలుగా పరిగణించుకుంటామని అభిమానులనుద్దేశించి చెప్పింది. స్త్రీ పురుషులు మాత్రమే కలిసి జీవనం సాగించేదే సంప్రదాయమని ఇసిన్బయేవా పేర్కొంది. రష్యా చరిత్రలో ఇలాంటి సమస్యలు గతంలో లేవని, భవిష్యత్ లోనూ కోరుకోరాదని చెప్పింది.