సీమాంధ్రలో దాదాపు భూస్థాపితమైపోయిన కాంగ్రెస్ పార్టీకి ఇపుడు తెలంగాణలోనూ భయంపట్టుకున్నట్లు కనబడుతోంది. అటు కెసిఆర్ ఇటు పవన్ కళ్యాణ్ ఇద్దరూ కలిసి కాంగ్రెస్ హఠావో దేశ్ బచావో అంటూ ముందుకు వెళుతుండటంతో ఆ పార్టీ బలం తెలంగాణలో రోజురోజుకీ నేలచూపులు చూస్తోంది. దీంతో హస్తం పార్టీ నేతలకు తెలంగాణ ప్రజలు ఏం చేస్తారో అని భయంతో వణికిపోతున్నట్లు వార్తలు వస్తున్నాయి. తెలంగాణ ఇస్తున్నాం కనుక తెరాసను కలిపేయాలని ఓ ఫిక్సింగ్ వచ్చిన కాంగ్రెస్ ఆ తర్వాత కెసిఆర్ ఇచ్చిన షాక్ ట్రీట్మెంటుకు గిలగిల కొట్టుకుంటోంది.
ఎవరయినా పార్టీని కలిపేస్తామంటే రాష్ట్రాన్ని ఇస్తారా అంటూ సూటిగా కాంగ్రెస్ పార్టీ నాయకులను ప్రశ్నిస్తున్నారు. దీంతో ఆ పార్టీ నాయకులు ఆత్మరక్షణలో పడిపోతున్నారు. ఎలా మాట్లాడినా అది బూమరాంగ్ లా తిరిగి కాంగ్రెస్ పార్టీనే కొడుతోంది. కెసిఆర్ సభలకు తెలంగాణ ప్రజలు నీరాజాలు పడుతున్నారు. అదే సమయంలో మొన్నామధ్య తెలంగాణలో జరిగిన సోనియా సభ వెలవెలబోయింది. ఇంకోవైపు తాజాగా నరేంద్ర మోడీ పవన్ కళ్యాణ్ తో కలిసి తెలంగాణలో సుడిగాలి పర్యటనలు చేస్తున్నారు.
ఈ పర్యటనలతో కాంగ్రెస్ పార్టీకి టి.లో ఏం జరుగుతుందో అని ఆందోళనలో కొట్టుమిట్టాడుతోంది. దాని ఫలితంగానే పొద్దస్తమానం విలీనం చేయలేదని పొద్దస్తమానం తెరాస పార్టీ బాస్ కెసిఆర్ ను కాంగ్రెస్ పార్టీ నాయకులు తిట్టుకుంటూ కాలం వెళ్లబుచ్చుతున్నారని అంటున్నారు. మరి తెలంగాణ ప్రజలు ఏ పార్టీకి ఓటు వేస్తారో చూడాలి.