తెలంగాణ వాదులు రచ్చబండ కార్యక్రమాన్ని అడ్డుకోవాలని తెలుగుదేశం పార్టీ సీనియర్ నాయకుడు నాగం జనార్ధన్ రెడ్డి ఆదివారం పిలుపునిచ్చారు. సోమవారం నుంచి ప్రభుత్వం నిర్వహించే రచ్చబండను కేవలం తెలంగాణ ప్రజల మనోభావాలను దెబ్బతీయాలనే లక్ష్యంతోనే పెట్టారన్నారు.
రచ్చబండ రద్దు చేసినంత మాత్రన రేషన్ కార్డులు, పింఛన్లు ఆగవని నాగం మీడియా ప్రతినిధులతో అన్నారు. రచ్చబండలో పాల్గొనే ప్రజా ప్రతినిధులను, మంత్రులను అడ్డుకోవాలని ఆయన ప్రజలను కోరారు. అలా అడ్డుకొని తెలంగాణ ఐక్యత చాటుదామన్నారు.
తెలంగాణపై జరిగిన అన్యాయాన్ని చర్చించడానికో, శ్రీకృష్ణ కమిటీపై చర్చకో రచ్చబండను ఉపయోగించి తెలంగాణ ప్రజల తెలంగాణ ఆకాంక్షను తెలుసుకోవాలన్నారు. పార్లమెంటులో తెలంగాణ బిల్లు పెట్టి రచ్చబండను ఏర్పాటు చేయండి సహకరిస్తామని చెప్పారు.