తెలంగాణ రాష్ట్ర సమితి అధ్యక్షుడు కె చంద్రశేఖరరావుతో తెలంగాణ రాదని ఆ పార్టీ సస్పెండ్ అయిన సీనియర్ నాయకుడు, మాజీ ఎమ్మెల్యే కొమ్మూరి ప్రతాపరెడ్డి చెప్పారు. ప్రత్యేక తెలంగాణ ఏర్పాటుకు అసలు అడ్డంకి అని కొమ్మూరు అన్నారు. తనను సస్పెండ్ చేయడం కేసీఆర్ దొరతనానికి నిదర్శనమని ఆరోపించారు. కేసీఆర్ తన తప్పులను ప్రజాకోర్టులో నిరూపించుకోవాలన్నారు.
మరోవైపు ముఖ్యమంత్రి కిరణ్‌కుమార్ రెడ్డి రచ్చబండ కార్యక్రమాన్ని అడ్డుకోవాలని టిఆర్ఎస్ అధినేత కెసిఆర్ పిలుపునివ్వడాన్ని సంగారెడ్డి ఎమ్మెల్యే తూర్పు జయప్రకాశ్ రెడ్డి తప్పుపట్టారు. తెలంగాణ రాష్ట్రం సెంటిమెంటు పేరుతో కేసీఆర్ విద్యార్థుల ప్రాణాలతో చెలగాటమాడుతున్నారని ఆగ్రహం వ్యక్తం చేశారు.