తెలంగాణ రాష్ట్ర ఏర్పాటుకు పదవులు అడ్డుకాదు: పొన్నం

ప్రత్యేక తెలంగాణ రాష్ట్ర ఏర్పాటుకు పదవులు అడ్డుకాదని రాష్ట్ర కాంగ్రెస్ పార్టీ ఎంపీల ఫోరం కన్వీనర్ పొన్నం ప్రభాకర్ అభిప్రాయపడ్డారు. తమకు మంత్రి పదవులు ఇవ్వడంలో తప్పేమిటని ఆయన పశ్నించారు.

సోమవారం ఎంపీ కోమటిరెడ్డి రాజ్‌గోపాల్‌ రెడ్డి నివాసంలో తెలంగాణ ప్రాంత కాంగ్రెస్ ఎంపీలు సమావేశమయ్యారు. భేటీకి వెళ్లేముందు తెలంగాణ ఎంపీలు మీడియాతో మాట్లాడుతూ తెలంగాణ ఇచ్చేందుకే అధిష్టానం ఎంపీలతో భేటీ అవుతోందన్నారు.

ఈ సమావేశంపై ఎంపీలు పొన్నం ప్రభాకర్, గుత్తా సుఖేందర్ రెడ్డి, రాజయ్య తదితరులు మాట్లాడుతూ.. తెలంగాణ రాష్ట్ర ఏర్పాటుకు పదవులు ఎన్నటికీ అడ్డుకావన్నారు. అసలు తాము పదవులు కోరలేద్నారు. అధిష్టానం మంత్రిపదవులు మాకు ఇవ్వాలనుకుంటే తప్పులేదన్నారు.

తెలంగాణ తప్పా తమకు వేరే ప్రత్యామ్నాయం లేదన్నారు. ఈ విషయంలో అధిష్టానం దృష్టికి తీసుకెళుతున్నట్టు చెప్పారు. ఇతరులతో తమను పోల్చి చూడరాదని పొన్నం ప్రభాకర్ విజ్ఞప్తి చేశారు. కాగా, ఈ సమావేశానికి 13 ఎంపీలకు గాను ఎనిమిది మంది ఎంపీలు హాజరుకాగా, కాంగ్రెస్ వర్కింగ్ కమిటీ సభ్యుడు కె.కేశవరావు ఎక్కడా కనిపించలేదు.