సిటీ బ్యాంకు స్కామ్: నిధుల మూలాలపై ఐటీ శాఖ ఆరా!!

సిటీ బ్యాంకు గుర్గాన్ బ్రాంచ్ కుంభకోణంపై ఆదాయ పన్ను శాఖ సొంతగా దర్యాప్తు చేపట్టనుంది. గుర్గాన్ శాఖ సిటీ బ్యాంకులో 400 కోట్ల రూపాయల మేరకు కుంభకోణం చోటు చేసుకున్న విషయం తెల్సిందే. దీనికి సంబంధించి బ్యాంకు రిలేషన్‌షిప్ మేనేజర్ శివరాజ్ పూరిని అరెస్టు చేశారు.

అయితే, ఈ కుంభకోణంపై ఆదాయపన్ను శాఖ అధికారులు సొంతగా దర్యాప్తు చేపట్టి నిధులపై ఆరా తీయాలని భావిస్తున్నారు. దేశ స్టాక్ మార్కెట్‌ల్లోకి లెక్కల్లోని ధనాన్ని పెట్టుబడుల రూపంలో మళ్లించారా అనే అంశంపై విచారణ సాగించనుంది.

సిటీ బ్యాంకు నుంచి స్వాహా చేసిన 400 కోట్ల రూపాయలల్లో హీరో కార్పొరేట్ సర్వీసెస్‌కు రూ.13.75 కోట్లు, ఓకేఎస్ స్పాన్ టెక్‌కు రూ.2 కోట్లు, సత్యం ఆటోకు రూ.25 కోట్లు చొప్పున శివరాజ్ పురి మళ్లించినట్టు సమాచారం.