మార్చి నాటికి ద్రవ్యోల్బణం 6శాతానికి దిగిరావొచ్చు

నవంబర్ నెల ద్రవ్యోల్బణం ప్రోత్సాహకర స్థాయిలో నమోదవ్వడంతో ఈ ఆర్థిక సంవత్సరం ముగింపు నాటికి ఇది 6 శాతానికి దిగిరావచ్చని ప్రభుత్వం అంచానా వేస్తుంది. నవంబర్ నెలలో ద్రవ్యోల్బణం 7.48 శాతానికి పడిపోవడంతో వచ్చే ఏడాది మార్చి చివరి నాటికి ఇది 6 శాతానికి దిగిరావచ్చని కేంద్ర ఆర్థికమంత్రి ప్రణబ్ ముఖర్జీ అంచనా వేశారు.

అంతే కాకుండా.. గత కొద్ది కాలంగా రెండంకెల స్థానంలో ఉన్న ఆహార ద్రవ్యోల్బణం కూడా తగ్గుముఖం పట్టడాన్ని ప్రణబ్ గుర్తు చేశారు. ద్రవ్యోల్బణం ప్రభుత్వం విడుదల చేసిన గణాంకాల అనంతరం ప్రణబ్ ఈ విధంగా స్పందించారు.

నవంబర్‌తో ముగిసిన వారాంతానికి గానూ ద్రవ్యోల్బణం 7.48 శాతంగా నమోదైంది. అక్టోబర్‌ నెలలో 8.58 శాతానికి పెరిగిన ద్రవ్యోల్బణం స్వల్పంగా తగ్గుముఖం పట్టింది. నవంబర్, 2009లో ఇది 4.50 శాతంగా ఉంది. జులై వరకూ ఇది 10 శాతానికి పైగా కొనసాగింది.