బెంగళూరులో మహిళలపై అఘాయిత్యాలు పెచ్చరిల్లిపోతున్నాయి. అమ్మాయిలు కనిపిస్తే చాలు వాళ్లపై ఆగడాలకు పాల్పడుతున్నారు. న్యూ-ఇయర్ సందర్భంగా ఒంటరిగా వెళ్తున్న యువతిపై యువకులు అసభ్యంగా ప్రవర్తించిన సంగతి తెలిసిందే. తాజాగా బస్టాండు వద్ద క్యాబ్ కోసం వేచిచూస్తున్న యువతికి ఒక ఆగంతకుడు ముద్దు పెట్టి పరారయ్యాడు. ఈ ఘటనతో బాధితురాలు షాక్ తింది. ఈ ఘటనపై బెంగళూరు జీవనబీమానగర పోలీస్‌స్టేషన్‌ పరిధిలో చోటుచేసుకుంది.
వివరాల్లోకి వెళితే.. యూపీకి చెందిన ఓ యువతి నగరంలోని ఓ ప్రైవేట్ కంపెనీలో పనిచేస్తోంది. శనివారం రాత్రి తన స్నేహితుల ఇంట్లో పార్టీ ముగించుకుని ఇంటికి బయల్దేరింది. ఆదివారం తెల్లవారుజామున 2.30 సమయంలో జీవనబీమానగర బస్టాండు వద్ద క్యాబ్ కోసం వేచిచూస్తోంది. ఇంతలో ఒక వ్యక్తి ఆమె దగ్గరగా వెళ్లి యువతి బుగ్గపై ముద్దుపెట్టి పరుగులు తీశాడు. దీంతో జడుసుకున్న యువతి స్థానిక పోలీసు స్టేషన్‌లో ఫిర్యాదు చేయగా, పోలీసులు ఘటనాస్ధలంలో ఉన్న సీసీ టీవీ కెమెరా చిత్రాలను పరిశీలించి పోకిరీ కోసం గాలింపు చర్యలు చేపట్టారు.