భర్తలేని సమయంలో ప్రియుడిని ఇంటికి పిలిచి రాసలీలలు.. రెడ్‌హ్యాండెడ్‌గా దొరికారు
భర్తలేని సమయంలో తన ప్రియుడిని ఇంటికి పిలిపించుకుని శృంగారంలో పాల్గొన్న మహిళను, ప్రియుడిని గ్రామస్థులు రెడ్‌హ్యాండెడ్‌గా పట్టుకుని తాటిచెట్టుకు కట్టేసి చితక్కొట్టారు. ఈ ఘటన ఉత్తర బిహార్‌లోని ముజఫర్ నగర
భర్తలేని సమయంలో తన ప్రియుడిని ఇంటికి పిలిపించుకుని శృంగారంలో పాల్గొన్న మహిళను, ప్రియుడిని గ్రామస్థులు రెడ్‌హ్యాండెడ్‌గా పట్టుకుని తాటిచెట్టుకు కట్టేసి చితక్కొట్టారు. ఈ ఘటన ఉత్తర బిహార్‌లోని ముజఫర్ నగర్ జిల్లాలో జరిగింది. ఈ వివరాలను పరిశీలిస్తే...
గోపినాథ్‌పుర్ గ్రామ పంచాయితీకి చెందిన 30 ఏళ్ల మహిళకు అదే ప్రాంతానికి చెందిన ఓ వ్యక్తితో ఎనిమిదేళ్ళ క్రితం వివాహమైంది. అయితే, ఈమెకు పక్క జిల్లా సితామర్హికి చెందిన 27 ఏళ్ల యువకునితో వివాహేతర సంబంధం ఉంది. ఇది గత మూడేళ్లుగా కొనసాగుతోంది. భర్తలేని సమయంలో ఫోన్ చేసి ప్రియుడిని ఇంటికి పిలిపించుకుని శృంగారంలో పాల్గొనేది.
ఈ విషయాన్ని గమనించిన స్థానికులు ఆ మహిళపై ఓ కన్నేశారు. ఈ క్రమంలో బుధవారం ఇంట్లో భర్తలేని సమయంలో ప్రియుడితో ఏకాంతంగా వివాహిత ఉండటాన్ని గ్రామస్తులు గమనించారు. ఆ తర్వాత వారిని రెడ్‌హ్యాండెడ్‌గా పట్టుకొని గోపినాథ్‌పుర్ గ్రామ పంచాయితీ ఆదేశాల మేరకు దాదాపు 20 గంటల వరకు బంధించారు. అనంతరం ఇద్దరినీ తాటిచెట్టుకు కట్టేసి కొట్టారు. ఈ దృశ్యాన్ని ఎవరో వీడియో తీసి సోషల్ మీడియాలో పోస్ట్ చేయగా అది వైరల్ అయింది.
ఈ వైరల్ వీడియో పోలీసుల దృష్టికి వెళ్లడంతో వారు ఆ గ్రామానికి చేరుకుని బాధితులను కాపాడారు. ఈ ఘటనపై రెండు ఎఫ్ఐఆర్‌లు నమోదు చేశారు. వివాహిత ఇచ్చిన ఫిర్యాదుతో ఐదుగురు గ్రామస్తులపై, ఆమె భర్త ఇచ్చిన ఫిర్యాదు మేరకు సదరు మహిళతోపాటూ ప్రియుడిపై పోలీసులు కేసు నమోదు చేశారు.
అయితే, ఆ వివాహిత తన భర్తను వదిలేసి ప్రియుడితో కలిసి జీవించాలని భావిస్తున్నట్టు డీఎస్పీ కృష్ణమురళికి తెలిపింది. అలాగే, 8 ఏళ్ల కిందటే వివాహమైనా, గత మూడేళ్లుగా వివాహేతర సంబంధం కొనసాగిస్తున్నానని సదరు మహిళ అంగీకరించినట్టు పోలీసులు తెలిపారు. మహిళ ఫోన్ చేస్తే ఆమె ప్రియుడు గోపీనాథ్‌పుర్ నుంచి సితామర్హికి వచ్చి వెళ్లేవాడని ఆ మహిళ పోలీసులకు వివరించింది.