శ్రుతికి మానసిక చికిత్సా?.. ఆమెకేమైంది? (video)

దక్షిణాది అందాల భామ శ్రుతిహాసన్ ఆరోగ్యం పట్ల ఆమె అభిమానులు తెగ ఇదైపోతున్నారు.  'మూడేళ్ల నుంచి మానసిక ఆరోగ్యంపై ట్రీట్‌మెంట్‌ తీసుకుంటున్నా. మానసిక ఆరోగ్యం విషయంలో కొన్ని టూల్స్‌, ధ్యానం నాకు బాగా ఉపయోగపడుతున్నాయి. అవసరమైన వాళ్లంతా ఈ థెరపీ చేయించుకోవాలని కూడా సూచిస్తున్నా' అంటూ ఆమే స్వయంగా చెప్పడమే ఇందుకు కారణమైంది.

శ్రుతి హాసన్‌ తన మనసులో ఉన్న విషయాన్ని ఏదైనా సరే బహిరంగంగానే చెప్పేస్తోంది. తన వ్యక్తిగత విషయాలను కూడా ఇటీవల ఎక్కువగా పంచుకుంటోంది. ఇటలీకి చెందిన మైఖేల్‌తో ఈమె సహజీవనం చేసేది.

ఆయనకి దూరమైనట్టు చెప్పి పూర్తిగా ఆ వ్యక్తితో బంధాలను తెంచేసుకుంది. తాను మద్యానికి బానిస అయ్యానని గతంలో ఓ ఇంటర్వ్యూలో తెలిపింది. ప్రస్తుతం తన ఆరోగ్య రీత్యా అల్కహాల్‌కు దూరమైనట్టు చెప్పింది.

ఈ నేపథ్యంలో తాను మానసిక ఆరోగ్యం కోసం చికిత్స తీసుకుంటున్నానని తాజాగా వెల్లడించడంతో ఆమె అభిమానులు తెగ వర్రీ అవుతున్నారు. ప్రస్తుతం ఈమె ముంబయిలో ఉంటోంది.