బ్లూవేల్ ఆన్‌లైన్ గేమ్‌కి మరో విద్యార్థి బలి.. ప్లాస్టిక్ కవర్‌ను చుట్టుకుని?
బ్లూవేల్ ఆన్‌లైన్ గేమ్‌కి మరో విద్యార్థి బలైపోయాడు. ఇప్పటికే ప్రపంచ వ్యాప్తంగా ఎంతో మంది ప్రాణాలు తీసిన ఈ గేమ్‌‌పై ఆసక్తి పెంచుకున్న ఓ విద్యార్థి ఆత్మహత్యకు పాల్పడ్డాడు. ఈ వీడియోగేమ్ ఆడుతున్న వారు 50
బ్లూవేల్ ఆన్‌లైన్ గేమ్‌కి మరో విద్యార్థి బలైపోయాడు. ఇప్పటికే ప్రపంచ వ్యాప్తంగా ఎంతో మంది ప్రాణాలు తీసిన ఈ గేమ్‌‌పై ఆసక్తి పెంచుకున్న ఓ విద్యార్థి ఆత్మహత్యకు పాల్పడ్డాడు. ఈ వీడియోగేమ్ ఆడుతున్న వారు 50 దశలు పూర్తి చేసిన తర్వాత చివ‌రి టాస్క్‌గా ఆత్మహత్య చేసుకోవాల్సి ఉంటుంది. ఇదే తరహాలో పశ్చిమ బెంగాల్‌లోని మిడ్నాపూర్‌ జిల్లాకు చెందిన పదో విద్యార్థి అంకన్‌ బలవన్మరణానికి పాల్పడ్డాడు.
శనివారం పాఠ‌శాల నుంచి వచ్చిన తర్వాత స్నానం చేసి వస్తానని చెప్పి బాత్‌రూమ్‌లోకి వెళ్లాడు. బాత్రూమ్లో మెడచుట్టూ పాలిథిన్‌ కవర్‌ను గట్టిగా చుట్టుకొని ఆత్మహత్య చేసుకున్నాడు. అంత‌కుముందే ఆ విద్యార్థి బ్లూవేల్ గేమ్ ఆడుతూ కనిపించాడని పోలీసులు చెప్తున్నారు. బాత్రూమ్లో అపస్మారక స్థితిలో పడివున్న అంకన్‌ను ఆతడి తల్లిదండ్రులు ఆస్పత్రికి తరలించినప్పటికీ.. ఆ బాలుడు అప్పటికే ప్రాణాలు కోల్పోయినట్లు వైద్యులు నిర్ధారించారు.