దేశంలోని ఆన్‌లైన్ ఫుడ్‌డెలివరీ ఫ్లాట్‌ఫామ్‌లలో ఒకటైన జొమాటా మరోమారు వివాదంలో చిక్కుకుంది. ఓ వ్యక్తి జోమాటాలో ఫుడ్ అర్డర్ చేశాడు. కానీ అతనికి వచ్చిన ఫుడ్లో ఒక ఐటమ్ మిస్ అయింది. దీంతో అతను జోమాటో కస్టమర్ సర్వీస్ ఎగ్జిక్యూటివ్ను సంప్రదించాడు. అయితే ఎగ్జిక్యూటివ్ హిందీ వస్తే డబ్బులు తిరిగి వస్తాయని చెప్పడం ఇపుడు వివాదాస్పదంగా మారింది.
ఈ విషయాన్ని వినియోదారుడు ట్విట్టర్‌లో పోస్ట్ చేశాడు. దీంతో జోమాటోపై ట్విట్టర్‌లో తీవ్ర విమర్శలు వచ్చాయి. కస్టమర్ పోస్ట్ వైరల్ అయిన తర్వాత 'రిజెక్ట్ జోమాటో' ట్విట్టర్‌లో ట్రెండింగ్లోకి వచ్చింది.
తాజాగా వెలుగులోకి వచ్చిన ఈ వివరాలను పరిశీలిస్తే, తమిళనాడుకు చెందిన వికాష్ జోమాటో ఫుడ్ అర్డర్ చేశాడు. తన ఆర్డర్‌లో ఒక వస్తువు మిస్ అయినట్లు గుర్తించిన తర్వాత అతను జోమాటో కస్టమర్ సర్వీస్‌ని సంప్రదించాడు.
వికాష్ ప్రకారం, కస్టమర్ సర్వీస్ ఎగ్జిక్యూటివ్ ‘హిందీ తెలియదు’ కాబట్టి చెల్లింపును తిరిగి చెల్లించలేమని చెప్పాడు. చాట్ స్క్రీన్‌షాట్‌ను కూడా వికాష్ ట్విట్టర్‌లో పంచుకున్నాడు. “జోమాటో తమిళనాడులో అందుబాటులో ఉంటే, వారు భాషను అర్థం చేసుకున్న వ్యక్తులను నియమించుకోవాలి” అని వికాష్ చాట్ చేశాడు.
అప్పుడు ఎగ్జిక్యూటివ్ ” సమాచారం కోసం, హిందీ మన జాతీయ భాష. కాబట్టి ప్రతి ఒక్కరూ హిందీని కొద్దిగా తెలుసుకోవడం సర్వసాధారణం.” ఈ ప్రతిస్పందన వికాష్‌కి కోపం తెప్పించింది, 'భారతీయుడిగా నేను హిందీ నేర్చుకోవాలి' అని ట్యాగ్ చేశారు. ప్రతిస్పందనగా, జొమాటో ఈ సంఘటన 'ఆమోదయోగ్యం కాదు' అని చెప్పింది.