బాలికలపై లైంగిక దాడులకు కేరాఫ్ అడ్రెస్ గా బెంగళూరు మారిపోతోంది. బాలికలపై తరచుగా చిన్నారులపై అత్యాచార ఘటనలు జరుగుతున్నాయి. పిల్లలపై స్కూలు సిబ్బందే లైంగిక దాడులకు పాల్పడటంపై మరింత ఆందోళనలు వ్యక్తమవుతున్నాయి.
తాజాగా బెంగళూరు ఆర్టీ నగర్ పోలీస్ స్టేషన్ పరిధిలోని ఓ పాఠశాలలో ఆరేళ్ల చిన్నారిపై ఓ ఉపాధ్యాయురాలు లైంగిక దాడికి పాల్పడినట్లు తేలింది. ఈ ఘటన కలకలం రేపింది. తనపై లైంగిక దాడి జరిగిందని బాలిక నిర్ధారించిందని, నొప్పిగా ఉందని బాలిక ఏడుస్తుండడంతో ఘటన వెలుగులోకి వచ్చిందని ఓ పోలీసు అధికారి వివరించారు.
కాగా బాలిక చదువుకుంటున్న ఈ పాఠశాలను ఓ మహిళ నిర్వహిస్తోంది. ఆమె భర్త ఓ బేకరీ యజమాని. ఘటనపై నగర పోలీసు కమిషనర్ మాట్లాడుతూ... కేసు దర్యాప్తులో ఉందనీ, మెడికల్ రిపోర్టు వచ్చిన తర్వాత నిందితులను పట్టుకుంటామని తెలిపారు. ఈ ఘటనపై బాలిక తల్లిదండ్రులతోపాటు ఇతర పేరెంట్స్ కూడా ఆందోళన బాట పట్టారు.