పలువురు విద్యార్థులతో వెళుతున్న పాఠశాల బస్సు డ్రైవరుకు ఉన్నట్టుండి గుండెపోటురావడంతో అదుపు తప్పి పలు వాహనాలను ఢీకొట్టింది. ఈ సమావేశంలో తెలివిగా వ్యవహరించిన ఓ విద్యార్థిని అందరినీ ప్రమాదం నుంచి కాపాడింది. ఈ ఘటన గుజరాత్ రాష్ట్రంలో రాజ్కోట్లో శనివారం సాయంత్రం ఈ ఘటన జరిగింది.
నగరంలోని భరద్ పాఠశాలకు చెందిన బస్సు విద్యార్థులతో వెళ్తూ గొండాల్ రోడ్డు వద్దకు రాగానే డ్రైవర్ గుండెపోటుతో మెలికలు తిరిగిపోయాడు. అదుపుతప్పి డివైడర్ దాటిని బస్సు ఎదురుగా వస్తున్న వాహలను ఢీకొంటూపోయింది. దీనిని గమనించి భార్గవి వ్యాస్ అనేక బాలిక వెంటనే స్టీరింగ్ పట్టుకుని బస్సును నియంత్రించడంతో పెను ప్రమాదం తప్పింది.
దీనిపై బాలిక భార్గవి స్పందిస్తూ, 'నేను డ్రైవరు పక్కనే ఉన్న సీట్లో కూర్చొన్నా బస్సు గొండాల్ రోడ్డు వద్దకు చేరుకోగా డ్రైవర్ మాటలు తడబడ్డాయి. అతడి నోరు ఒకవైపునకు వచ్చేసి, ముక్కు నుంచి రక్తం కారింది. స్టీరింగ్ వదిలేసి ఒక పక్కకు పడిపోయాడు. నేను వెంటనే స్టీరింగ్ తిప్పి బస్సును కరెంట్ స్తంభానికి ఢీకొట్టి ఆపాను" అని భార్గవి తెలిపింది. డ్రైవర్ హారున్ భాయ్ను రాజ్కోట్ సివిల్ ఆస్పత్రికి తరలించగా, అక్కడ చికిత్స పొందుతున్నారు.