ఆ క్యాలెండర్‌లో ప్రియాంక చోప్రా ఫోటోలు కాకుండా ప్రియాంక వాద్రా ఫోటోలు పెట్టాలా?

బాలీవుడ్ నుంచి హాలీవుడ్‌కు జంప్ అయిన.. మాజీ విశ్వ సుందరి ప్రియాంక చోప్రా మళ్లీ వార్తల్లోకెక్కింది. తాజాగా అసోం టూరిజం క్యాలెండర్‌లో ప్రియాంక చోప్రా వస్త్రధారణ పట్ల అభ్యంతరాలు వ్యక్తమవుతున్నాయి. గతంలో

బాలీవుడ్ నుంచి హాలీవుడ్‌కు జంప్ అయిన.. మాజీ విశ్వ సుందరి ప్రియాంక చోప్రా మళ్లీ వార్తల్లోకెక్కింది. తాజాగా అసోం టూరిజం క్యాలెండర్‌లో ప్రియాంక చోప్రా వస్త్రధారణ పట్ల అభ్యంతరాలు వ్యక్తమవుతున్నాయి. గతంలో ప్రధాన మంత్రి నరేంద్ర మోదీ ముందు కాలిపై కాలేసుకుని కూర్చుందని వివాదంలో ఇరుక్కున్న ప్రియాంక చోప్రా.. తాజాగా పీఎన్‌బీ కుంభకోణంలో ఆరోపణలు ఎదుర్కొంటున్న వజ్రాల వ్యాపారి నీరవ్ మోదీతో కాంట్రాక్ట్‌ను ఆమె రద్దు చేసుకోవడం ద్వారా వార్తల్లోకెక్కింది. 

ప్రస్తుతం అస్సోం టూరిజం క్యాలెండర్‌లో ఆమె వస్త్రధారణపై కాంగ్రెస్ ఎమ్మెల్యే రూప్‌జ్యోతి కుర్మి విమర్శలు గుప్పించారు. అసోం సంస్కృతిని ప్రియాంక దిగజార్చారని.. ఆమెను రాష్ట్ర టూరిజం బ్రాండ్ అంబాసిడర్ పోస్టు నుంచి తొలగించాలని కాంగ్రెస్ పార్టీ నేతలు డిమాండ్ చేస్తున్నారు. అయితే కాంగ్రెస్ నేతల విమర్శలను అసోం టూరిజం డెవలప్‌‍మెంట్ కార్పొరేషన్ ఛైర్మన్ జయంత మల్ల తిప్పికొట్టారు.

ప్రియాంక చోప్పా ఫోటోకు బదులు ప్రియాంక వాద్రా ఫోటోను పెట్టాలని కాంగ్రెస్ నేతలు ఆశిస్తున్నారని జయంత మల్ల ఎద్దేవా చేశారు. అసోం టూరిజాన్ని అంతర్జాతీయంగా ప్రోత్సహించేందుకు ఈ క్యాలెండర్‌ను రూపొందించినట్లు తెలిపారు. ప్రియాంక చోప్రాకు.. అంతర్జాతీయ గుర్తింపు వుండటంతోనే ఆమెను అసోం టూరిజం బ్రాండ్ అంబాసిడర్‌గా నియమించినట్లు జయంత వెల్లడించారు. కాంగ్రెస్ దిగజారుడు ప్రచారం కోసం ఇలాంటి ఆరోపణలు చేస్తోందని జయంత ఫైర్ అయ్యారు.