భారత టెలికాం నియంత్రణ సంస్థ ట్రాయ్ నెట్ న్యూట్రాలిటీ వైపే మొగ్గు చూపింది. ట్రాయ్ నిర్ణయంతో ఫేస్‌బుక్‌కు ఎదురుదెబ్బ తగిలినట్లయింది. ఫ్రీ బేసిక్స్ కోసం ఎదురుచూసిన ఫేస్ బుక్‌కు ట్రాయ్ నిర్ణయంతో గట్టి దెబ్బ తగిలినట్లయింది. ఈ సందర్భంగా ట్రాయ్ చైర్మన్ ఆర్ఎస్ శర్మ మాట్లాడుతూ... ఇంటర్నెట్ డేటాపై కంపెనీలన్నీ వివిధ రకాల ఛార్జీలను వసూలు చేయరాదన్నారు. ఈ నియమాలను ఉల్లంఘిస్తే చర్యలు తీసుకుంటామని హెచ్చరించారు.
ఉల్లంఘించిన టెలికాం ఆపరేటర్లకు రోజుకు రూ.50 వేల వరకూ జరిమానా విధిస్తామని వార్నింగ్ ఇచ్చారు. కాగా ప్రస్తుతం అమల్లో ఉన్న ఇంటర్నెట్ ప్యాకేజీలన్నీ వెంటనే రద్దవుతాయనీ, డేటా ప్యాకేజీలన్నీ ఒకే రకంగా ఉండాలని సూచించారు.