ప్రధానమంత్రి నరేంద్ర మోడీ ట్విట్టర్ ఖాతాను వినియోగించుకోవడంలో తనకు తానే సాటి అని నిరూపించారు. ఇప్పటికే అంతర్జాల సామాజిక మాధ్యమాన్ని వినియోగించుకోవడంలో మంచి నేర్పరి అయిన మోడీ.. తాజాగా తన ట్విట్టర్ ఖాతాను ఫాలో అవుతున్న వారి సంఖ్యలో మూడో స్థానంలో నిలిచారు.
ప్రపంచవ్యాప్తంగా ఉన్న దేశాధినేతల్లో 5,69,33,515 మంది ఫాలోయర్లతో బరాక్ ఒబామా అగ్రస్థానంలో కొనసాగుతుండగా, తరువాతి స్థానంలో 1,95,80,910 మంది ఫాలోయర్లతో క్యాథలిక్కుల మత గురువు పోప్ ఫ్రాన్సిస్ ద్వితీయ స్థానంలో ఉన్నారు. 1,09,02,510 మంది ఫాలోయర్లతో ప్రధాని నరేంద్ర మోడీ తృతీయ స్థానంలో నిలిచారు. భారత విదేశాంగ శాఖ మంత్రి సుష్మాస్వరాజ్ కు కూడా భారీ సంఖ్యలోనే ఫాలోయర్లు ఉండడం విశేషం.