'డ్రగ్స్‌కు బానిసనయ్యా.. బతకాలని లేదు'.. 19వ అంతస్థు నుంచి దూకిన విద్యార్థి (Video)

ముంబైలో దారుణం జరిగింది. డ్రగ్స్‌కు బానిస అయిన ఓ విద్యార్థి ముంబైలోని ప్రముఖ ఫైవ్‌స్టార్ హోటల్‌ని 19వ అంతస్థు నుంచి దూకి ఆత్మహత్య చేసుకున్నాడు. ఈ అఘాయిత్యానికి పాల్పడే ముందు ఆ విద్యార్థి సిగరెట్ తాగుత

ముంబైలో దారుణం జరిగింది. డ్రగ్స్‌కు బానిస అయిన ఓ విద్యార్థి ముంబైలోని ప్రముఖ ఫైవ్‌స్టార్ హోటల్‌ని 19వ అంతస్థు నుంచి దూకి ఆత్మహత్య చేసుకున్నాడు. ఈ అఘాయిత్యానికి పాల్పడే ముందు ఆ విద్యార్థి సిగరెట్ తాగుతూ, మద్యం సేవిస్తూ తన మనసులోని బాధను వెళ్లగక్కాడు. అంతేనా, ఈ ఆత్మహత్య ఘటన మొత్తాన్ని ఫేస్‌బుక్‌లో లైవ్ చేశాడు. తాజాగా వెలుగులోకి వచ్చిన ఈ వివరాలను పరిశీలిస్తే.. 

పోలీసులు తెలిపిన వివరాల ప్రకారం.. బెంగళూరుకు చెందిన అర్జున్‌ భరద్వాజ్‌ అనే విద్యార్థి మహారాష్ట్రలోని ఓ కళాశాలలో ఇంజినీరింగ్‌ విద్యాభ్యాసం చేస్తున్నాడు. అర్జున్‌ సోమవారం బంద్రా శివారులోని ఓ ప్రముఖ హోటల్‌కి వెళ్లి.. 19వ అంతస్తులో గది తీసుకున్నాడు. సాయంత్రం వరకు హోటల్‌ సూట్‌లోనే ఉన్న అర్జున్‌.. సోమవారం రాత్రి తన గది కిటికీ నుంచి దూకి.. ఆత్మహత్య చేసుకున్నాడు. 

ఒక్కసారిగా పెద్ద శబ్దాన్ని విన్న హోటల్‌ సిబ్బంది వెళ్లి చూసేసరికి అర్జున్‌ రక్తపు మడుగులో కనిపించాడు. వారు వెంటనే అతన్ని ఆసుపత్రికి తరలించగా.. అప్పటికే మృతిచెందినట్లు వైద్యులు వెల్లడించారు. చనిపోవడానికి ముందు అర్జున్‌ సోషల్‌మీడియాలో ఆత్మహత్య చేసుకోవడం ఎలా అనే ఓ వీడియో పోస్టు చేశాడు. 

హోటల్‌ గదిలో సూసైడ్‌ నోట్‌ను కూడా గుర్తించినట్లు చెప్పారు. ‘నేను మాదకద్రవ్యాలకు బానిసయ్యాను. ఇక నాకు బతకాలని లేదు. అందుకే ఆత్మహత్య చేసుకుంటున్నా’ అని అర్జున్‌ సూసైడ్‌ నోట్‌లో పేర్కొన్నట్లు పోలీసులు వెల్లడించారు. హోటల్‌లో ఇచ్చిన వివరాల ఆధారంగా అర్జున్‌ తల్లిదండ్రులకు సమాచారమిచ్చారు.